Aaj News

آئی ایم ایف کے ساتھ بہت مفید اور تعمیری بات ہوئی، وزیرخزانہ

مفتاح اسماعیل نے کہا کہ حکومت آئندہ مالی سال میں بجٹ خسارہ کم کرنے کے لیے پرعزم ہے
شائع 26 مئ 2022 11:48am
<p>مفتاح اسماعیل نے کہا کہ حکومت آئندہ مالی سال میں بجٹ خسارہ کم کرنے کے لیے پرعزم ہیں __ فوٹو فائل</p>

مفتاح اسماعیل نے کہا کہ حکومت آئندہ مالی سال میں بجٹ خسارہ کم کرنے کے لیے پرعزم ہیں __ فوٹو فائل

اسلام آباد: وزیر خزانہ مفتاح اسماعیل نے کہا کہ ہمارے وفد کی آئی ایم ایف کے ساتھ بہت مفید اور تعمیری بات چیت ہوئی ہے۔

وزیرخزانہ مفتاح اسماعیل نے ٹوئٹر پر جاری اپنے بیان میں کہا کہ آئی ایم ایف کے ساتھ بہت مفید بات چیت ہوئی ساتھ ہی ہم نے ایندھن پر سبسڈی سے متعلق بھی گفتگو کی ہے۔

ان کا کہناتھا کہ آئی ایم ایف نے ایندھن اور بجلی کی سبسڈی واپس لینے کی اہمیت پر زور دیا جبکہ بلند افراط زر، زرمبادلہ کے گرتے ذخائر اور کرنٹ اکاؤنٹ خسارے کے پیش نظر آئندہ مالی سال کے بجٹ اہداف پر تبادلہ خیال کیا گیا۔

مفتاح اسماعیل نے کہا کہ حکومت آئندہ مالی سال میں بجٹ خسارہ کم کرنے کے لیے پرعزم ہے، ہمیں سخت مانیٹری پالیسی اور مالیاتی پوزیشن کو مستحکم کرنے کی ضرورت ہوگی۔

خیال رہے کہ پاکستان اور عالمی مالیاتی فنڈ کے مابین دوحہ میں 18 مئی سے مزاکرات جاری تھے جس میں وزیر خزانہ مفتاح اسماعیل اور قائم مقام گورنر اسٹیٹ بینک نے شرکت کی۔

doha

IMF

Miftah Ismail

International Monetary Fund

Comments are closed on this story.

مقبول ترین