اور ڈیم؟ وزیراعظم کا نوح دستگیر بٹ کے لیے انوکھی فرمائش پرجواب

نوح نے کامن ویلتھ گیمز میں پاکستان کے لیے پہلا گولڈ میڈل جیتا
شائع 04 اگست 2022 03:02pm
دلچسپ و عجیب
تصویر/سوشل میڈیا
تصویر/سوشل میڈیا

وزیراعظم شہباز شریف کی ایک خوبی تو تسلیم کرنی پڑے گی کہ وہ “ دُشوار ترین “ کاموں کے لیے بھی حامی بھرنے سے بالکل نہیں کتراتے۔

برمنگھم میں جاری کامن ویلتھ گیمز 2022 میں گوجرانوالا سے تعلق رکھنے والے ویٹ لفٹر نوح دستگیر بٹ نے پاکستان کے لیے پہلا گولڈ میڈل جیت کر قوم کا سرفخرسے بُلند کیا تو ان کے مداح بھی خدمات کے اعتراف میں پیچھے نہیں رہے۔

پاکستان کے لئے گولڈ میڈیل جیتنے کی خبر پُرجوش صارفین سمیت صحافیوں نے بھی بھرپور جوش وجذبے سے ٹوئٹر سمیت دیگر سوشل میڈیا پلیٹ فارمز پرشیئرکی جس پروزیراعظم شہباز شریف کی جانب سے بھی ‘شاباشی’ دی گئی۔

صحافی فیضان لاکھانی کی ٹویٹ کے جواب میں وزیراعظم نے لکھا،“ویل ڈن بٹ صاحب” جواب میں نوح دستگیرکے کسی خیرخواہ نے دور کی کوڑی لاتے ہوئے ان کے حق میں “ہیوی ویٹ “ مطالبہ کرڈالا۔

صارف نے لکھا، “وزیراعظم صاحب ویل ڈن سے بات نہیں چلے گی، بٹ صاحب کے نام کا فلائی اوورہونا چاہیے”۔

اس پر شہبازشریف نے سوشل میڈیا صارف سے استفسارکرتے ہوئے لکھا، “اور ڈیم؟” ۔

اب یہ تو وزیراعظم ہی جانیں کہ انہوں نے واقعی یہ نقطہ سنجیدگی سے لیا یا پھر سیاست کے میدان خاردار کی روایت کے عین مطابق مخالفین کو “رگڑا” لگانے کی کوشش کی۔

بہرحال اس جواب پر صارفین کی جانب سے بھی دلچسپ ردعمل دیکھنے میں آیا۔

مزید خبریں
مقبول ترین
تازہ ترین