بلوچستان میں ہیلی کاپٹرحادثے میں شہید پاک فوج کے افسران و جوانوں کی شہادت کے بعد سوشل میڈیا پر شہداء اور پاک فوج کے خلاف منفی مہم چلائی گئی.

سوشل میڈیا پر اس منفی مہم کا حصہ بننے والےپی ٹی آئی اسٹوڈنٹ ونگ کے محمد منیب کیانی کااعترافی بیان وائرل ہے، دو سال تک انصاف اسٹوڈنٹس فیڈریشن کے سینئر ڈپٹی کنوینررہنے والے محمد منیب اس اقدام پر معذرت کی ہے۔

اپنے اعترافی بیان میں ٹویٹس کرنے والے نے کہا کہ میرا نام محمد منیب کیانی ہے اور میرے والد کا نام فرخ نعیم کیانی ہے۔ میں پی ٹی آئی (آئی ایس ایف) انصاف یونین فیڈریشن کا دو سال تک سینئرڈپٹی کنوینررہاہوں، کل میں نے دو ٹویٹس کیے جن میں سے ایک خود جنریٹ کیا تھا اور دوسرا کاپی پیسٹ کیا تھا۔

Muneeb Kiyani of Insaf Student Federation apologises for his offensive tweets against martyrs of Lasbela helicopter crash, after strong reaction by armed forcespic.twitter.com/wostYnkocp

— Shayk??????? (@ShaykShack) August 5, 2022

اس اقدام پرندامت کا اظہارکرنے والے منیب کیانی نے کہا کہ مجھ سے بہت بڑی غلطی ہوئی اور یہ غلطی کچھ لوگوں کے اثر و رسوخ اور کچھ لوگوں سے متاثر ہوکرہوئی، جہاں سے معلومات لیں وہ سولجر اسپیک، ازمہ خان پی ٹی آئی ، سبینہ کیانی اور عمران ریاض کے نام سے پیجزتھےجہاں سے ساری معلومات لے کرٹویٹس کیں۔ وہ میری بہت بڑی غلطی تھی اس میں سے کچھ بھی سچ نہیں تھا اور میں نے تصدیق بھی نہیں کی تھی۔

ملزم منیب کیانی کے والد فرخ نعیم کیانی نے معذرت کرتے ہوئے اپنے بیان میں کہا کہ میں محمد منیب کیانی کا والد ہوں، میرے بیٹے نے کل ایک ٹویٹ کیاجو قابل اعتراض تھا اورمیں اسے عین وقت پر چیک نہیں کرسکا جس کی میں ذمہ داری لیتا ہوں اور اس بات کی گواہی دیتا ہوں کہ آئندہ یہ کام نہیں ہوگا اور ہم اس چیز سے دوررہیں گے، بیٹے کی تمام سرگرمیوں پر نظررکھوں گا۔

انہوں نے کہا کہ ہم محب وطن لوگ ہیں اورپاکستان آرمی کا خون ہماری رگوں میں ہے اور ہم اس کا دل و جان سے احترام کرتے ہیں اور کرتے رہیں گے ۔ یہ غلطی جو میرے بیٹے سے ہوئی ہے میں اسے قبول کرتا ہوں اور آئندہ اسے کہوں گا کہ کبھی بھی ایسی غلطی دوبارہ نہ کرے اور میں خود اس چیزکا ذمہ دارہوں اوراقرارکررہا ہوں کہ آئندہ وہ ایسی غلطی نہیں کرے گا، پاک فوج زندہ باد۔

گزشتہ روز پاک فوج کے شعبہ تعلقات عامہ (آئی ایس پی آر) کی جانب سے کہا گیا تھا کہ ہیلی کاپٹر حادثے کے بعد سوشل میڈیا پرمنفی مہم کے باعث شہداء اور اُن کے لواحقین کی دل آزاری ہوئی ہے۔اس مہم پر شہداء کے اہل خانہ اور افواجِ پاکستان میں شدید غم وغصہ اور اضطراب پایاجارہا ہے۔‘

The wreckage of unfortunate hel which was on flood relief ops found in Musa Goth, Windar, Lasbela. All 6 offrs & sldrs incl Lt Gen Sarfraz Ali embraced shahadat. اِنّا لِلَّٰهِ وَإِنَّا إِلَيْهِ رَاجِعُونَ
Accident occurred due to bad weather as per initial investigations . DTF pic.twitter.com/dnyano2vqC

— DG ISPR (@OfficialDGISPR) August 2, 2022

ترجمان پاک فوج میجر جنرل نے کہا کہ، " اس مشکل گھڑی میں پوری قوم پاکستانی فوج کے ساتھ کھڑی ہے، تاہم چند بے حس حلقوں نے سوشل میڈیا پر دل آزاری پرمبنی توہین آمیز مہم شروع کررکھی ہے، یہ رویہ ناقابل قبول اور سخت قابلِ مذمت ہے'۔