پاکستان کرکٹ بورڈ کی جانب سے ٹی 20 ورلڈ کپ کے لیے 15 اسکواڈ کی سلیکشن بیشترشائقین کے ساتھ ساتھ کرکٹرمحمد عامرکوبھی پسند نہیں آئی۔

گزشتہ روزلاہورمیں پریس کانفرنس کرتے ہوئے چیف سلیکٹرپی سی بی محمد وسیم کا کہنا تھا کہ اسکواڈ کا انتخاب تمام چیزوں کومدنظررکھ کرکیا گیا ہے۔

ٹیم کے کپتان بابر اعظم اور نائب کپتان شاداب خان ہوں گے، اس کے علاوہ آصف علی، حیدرعلی، حارث رؤف، افتخار احمد، خوشدل شاہ، محمد حسنین، محمد نواز اور محمد رضوان شامل ہوں گے۔

نسیم شاہ، شاہین آفریدی، وسیم جونئیراورعثمان قادر بھی قومی اسکواڈ کا حصہ ہوں گے جب کہ فخرزمان، محمد حارث (متبادل وکٹ کیپر)اورشاہنواز دھانی کو بطور ریزرو پلیئر ٹیم میں شامل کیا گیا ہے۔

آئندہ ماہ آسٹریلیا میں ہونے والے ٹی20 ورلڈ کپ کے لیے پی سی بی نے مڈل آرڈربیٹسمین شان مسعود کو پھرسے ٹیم میں شامل کیا ہے۔

ٹیم کے اعلان کے بعد سے سوشل میڈیا صارفین نے جہاں ایشیا کپ میں کھلاڑیوں کی کارکردگی کو مدنظررکھتے ہوئے تبصرے کیے وہیں سابق فاسٹ بالر محمد عامر کی ایک چونکا دینے والی ٹویٹ بھی خاصی وائرل ہوئی۔

عامرنے اسکواڈ کے اعلان کے فوری بعد محمد وسیم کوتنقیدکا نشانہ بناتے ہوئے لکھا ، “چیف سلیکٹر کی چیپ سلیکشن”۔

معروف شخصیات سمیت عام صارفین نے بھی ایشیا کپ میں کوئی نمایاں کارکردگی نہ دکھانے والے خوشدل شاہ، افتخاراحمد اور آصف علی کی شمولیت پرتعجب کا اظہارکیا۔

Buri tarha haronge shoaib malik ko nahi select kiya aap n...

— Boon science coaching classes (@ClassesBoon) September 15, 2022

Inse koi pochey Dahani kis base pe reserve mein hai???? Dishonest Selector

— NaumAn Younus (@YounusNauman) September 15, 2022

Apni dostian yarian nibao...is dafa dama dam mast qalandar ho ga pcb board k bahir In Sha Allah...ya phir is selector ko hatao gy ya phir Team ka bycotte ho ga....💪💪💪💪

— Umar Amin (@UmarAmi76308977) September 15, 2022

Shame on @TheRealPCB for nonsense selection and favouritism, why Iftikhar and Khushdil are playing without any performance??

— Back to Nature (@vlogs_nature) September 15, 2022

حالیہ ایشیا کپ میں سری لنکا سے فائنل ہارنے والی گرین شرٹس کی کارکردگی کاجائزہ لیا جائے تو افتخار احمد نے 6 میچزمیں 105 ، فخرزمان نے 96 اور خوشدل شاہ نے 58 رنز اسکور کیے۔

آسٹریلیا میں 16 اکتوبرسے شروع ہونے والے ٹی 20 ورلڈ کپ کا فائنل 13 نومبرکوکھیلا جائے گا۔