وزیراعظم شہباز شریف کا کہنا ہے کہ مریم اورنگزیب نے باوقار انداز میں پی ٹی آئی سپورٹرز کا سامنا کیا، انہوں نے پرسکون رہ کر ہراساں کرنے والوں کا مکروہ چہرہ بے نقاب کیا۔

سماجی رابطے کی ویب سائٹ ٹوئٹر پر وزیراعظم نے مریم اورنگزیب کو ہراساں کرنے پر ردعمل دیتے ہوئے کہا کہ مریم اورنگزیب نے پی ٹی آئی کارکنوں کے ہراساں کرنے پر جس ظرف کا مظاہرہ کیا وہ قابل فخر ہے۔

The manner in which Marriyum Aurangzeb dealt with the harassment from the PTI supporters shows her grace. By her calm & honorable conduct, she exposed the ugly face of the harassers & their promoters.

We are proud of her.

— Shehbaz Sharif (@CMShehbaz) September 25, 2022

شہباز شریف کا ٹویٹ میں مزید کہنا تھا کہ مریم اورنگزیب نے اپنے طرزعمل سے ہراساں کرنے والوں اور ان کے سپورٹر کا مکروہ چہرہ بے نقاب کیا۔

مزید پڑھیں: مریم اورنگزیب کو لندن میں شاپنگ کرنا مہنگا پڑ گیا

دوسری جانب مسلم لیگ (ن) کی نائب صدر مریم نواز نے بھی ٹوئٹر پر جاری بیان میں کہا کہ ’’مریم اورنگ زیب‘‘ مجھے آپ پر فخر ہے۔

I am very proud of you @Marriyum_A ♥️

— Maryam Nawaz Sharif (@MaryamNSharif) September 25, 2022

یاد رہے کہ گزشتہ روز وزیراطلاعات مریم اورنگزیب کو لندن میں شاپنگ کے دوران پی ٹی آئی کے مبینہ کارکنوں نے گھیر کر طعنہ زنی کی اور ”چورنی چورنی“ کے نعرے لگائے۔

جواب میں مریم اورنگزیب نے ایک لفظ نہ کہا اور خاموشی سے چلتی رہیں۔