قومی سلامتی کمیٹی کا مؤخر ہونے والا اجلاس وزیراعظم شہبازشریف کی زیرصدارت آج ہوگا۔

گزشتہ روز ہی وزیراعظم ہاؤس کی جانب سے طے شدہ اجلاس مؤخرکردیا گیا تھا، جس میں عسکری اورسول قیادت شرکت کرنا تھی۔

اجلاس میں آڈیولیکس اور دیگرسلامتی امورپرمشاورت اورسیلاب سے پیدا شدہ صورتحال پربھی تبادلہ خیال ہوگا۔

اس سے قبل ذرائع نے بتایا تھا کہ وزیراعظم ہاؤس میں ہونے والی نیشنل سیکیورٹی کمیٹی کا اجلاس بدھ کو نہیں ہوگا، جو وزیراعظم نے بدھ کو اجلاس طلب کیا تھا۔

خیال رہے کہ وزیراعظم ہاؤس سے ڈیٹا اور آڈیو لیک کا معاملہ سامنے آںے کے بعد اعلی سطحی تحقیقات کے آغاز کے ساتھ ہی وزیراعظم نے قومی سلامتی کمیٹی کا اجلاس بھی طلب کیا تھا۔