کراچی کے علاقے حیدری میں نجی اسپتال کے اندر ڈکیتی کی کوشش ناکام بنادی گئی۔

اس حوالے سے پولیس ذرائع کا کہنا ہے کہ حیدری کے علاقے میں واقع نجی اسپتال میں چار ڈاکو ڈکیتی کیلئے داخل ہوئے تو سیکیورٹی گارڈ نے مزاحمت کی، سکیورٹی گارڈ کی فائرنگ کے نتیجے میں ایک ڈاکو ہلاک جبکہ تین ملزمان فرار ہوگئے۔

ذرائع کے مطابق ڈاکوؤں کی فائرنگ میں زخمی ہونیوالے سکیورٹی گارڈ کو عباسی شہید اسپتال منتقل کردیا گیا ہے۔

دوسری جانب واقعے کی سی سی ٹی وی فوٹیج آج نیوز کو موصول ہوگئی ہے۔