حکومتی امداد نہ ملنے پر عمرکوٹ چھاچھرو روڈ ہر قائم ٹینٹ سٹی کے متاثرین کا صبر کا پیمانہ لبریز ہوگیا، متاثرین سڑک سے گزرنے والے مخیرحضرات کو امداد دینے کے لئے دھمکانے لگے۔

چھاچھرو روڈ پر قائم ٹینٹ سٹی میں متاثرین کم اور لوٹ مار کرنے والوں کی تعداد زیادہ ہونے کی وجہ سے مخیر حضرات امدادی سامان دینے سے کترانے لگے۔

ٹینٹ سٹی کے متاثرین بڑی تعداد میں مرد وخواتین بچوں کے ہمراہ ہاتھوں میں پتھر لئے سڑک کنارے سارا دن کھڑے رہتے ہیں اور ٹینٹ سٹی سمیت دیگر علاقوں میں امدادی سامان لے کر آنے والے مخیر حضرات کو دھمکانے لگتے ہیں کہ ہمیں امداد دو نہیں تو ہم کسی کو گزرنے نہیں دینگے۔

جس کے باعث مخیر حضرات نے امدادی سرگرمیاں روک دی ہیں جبکہ ضلع انتظامیہ مخیر حضرات کو سکیورٹی دینے میں ناکام ہوگئی ہے۔