سکیورٹی فورسز اور دہشتگردوں کے درمیان فائرنگ کے نتیجے میں ایک دہشتگرد ہلاک ہوگیا۔

پاک فوج کے شعبہ تعلقات عامہ (آئی ایس پی آر) کے مطابق پشاور کے علاقے متنی میں سکیورٹی فورسز نے دہشتگردوں کے خلاف آپریشن کیا، اس دوران فوجی اہلکاروں اور دہشتگردوں کے مابین فائرنگ کا تبادلہ ہوا جس کے نتیجے میں ایک دہشتگرد مارا گیا۔

آئی ایس پی آر نے بتایا کہ ہلاک دہشت گرد سے ہتھیار اور گولہ بارود مواد برآمد کرلیا گیا ہے جب کہ دہشتگرد سکیوٹی فورسز کے خلاف کارروائیوں میں ملوث تھا۔