پرتگال سے تعلق رکھنے والے اسٹار فٹبالر کرسٹیانور ونالڈو نے کلب فٹبال میں 700 گول مکمل کرلئے، وہ یہ کارنامہ انجام دینے والے دنیا کے پہلے فٹبالربن گئے۔

کرسٹیانو رونالڈو نے مانچسٹر یونائیٹڈ کی جانب سے ایورٹن کے خلاف پریمیئر لیگ کے میچ میں گول کرکے تاریخ رقم کردی۔

رونالڈو کلب فٹبال میں 700 گول کرنے والے پہلے فٹالر ہیں، انہوں نے 5 کلبز کی جانب سے کھیل کر یہ سنگ میل عبور کیا ہے۔

کرسٹیانورونالڈونے رالس میڈرڈ کی جانب سے 450، یووینٹس کے لئے 101 اور اسپورٹنگ لزبن کے لئے 5 گول کیے۔

اس کے علاوہ انہوں نے مانچسٹریونائیٹڈ کے ساتھ پہلے دورمیں 118 اورموجودہ دورمیں اب تک 26 گول اسکورکئے، اس کے علاوہ کرسٹیانو رونالڈو 117 انٹرنیشنل گول بھی اسکورکرچکے ہیں۔