اسپیکر قومی اسمبلی راجہ پرویز اشرف نے سابق صدر آصف علی زرداری کے خلاف نا اہلی کا ریفرنس مسترد کردیا۔

نااہلی کا ریفرنس سید ذوالفقار عباس بخاری کے جانب سے دائر کیا گیا تھا جو گزشتہ روز اسپیکر قومی اسمبلی کو موصول ہوا تھا۔

ریفرنس میں استدعا کی گئی کہ آصف علی زرداری کو آئین کے آرٹیکل 62/63 کے تحت رکن قومی اسمبلی کی حیثیت سے نا اہل قرار دے کر ریفرنس الیکشن کمیشن کو بھیجا جائے۔

راجہ پرویز اشرف نے آئین کے آرٹیکل 63 کی شق (2) کے تحت ریفرنس مسترد کرتے ہوئے فیصلے کی نقل الیکشن کمیشن کو ارسال کر دی۔