Aaj News

شاہ رخ جتوئی اور دیگر ملزمان کے آج جیل سے رہائی کے امکانات

سندھ ہائی کورٹ کا شاہ رخ جتوئی و دیگر ملزمان کی رہائی کیلئے اے ٹی سی اور سپرنٹنڈنٹ سینٹرل جیل کو خط
شائع 23 نومبر 2022 05:21pm
<p>فوٹو — فائل</p>

فوٹو — فائل

شاہ زیب قتل کیس میں بری ہونے والے شاہ رخ جتوئی سمیت دیگر ملزمان کا آج جیل سے رِہا ہونے کا قوی امکان ہے۔

سندھ ہائی کورٹ نے شاہ رخ جتوئی و دیگر ملزمان کی رہائی کے لئے انسداد دہشتگردی عدالت (اے ٹی سی) اور سپرنٹنڈنٹ سینٹرل جیل کو ارسال کردیا گیا ہے۔

خط میں کہا گیا ہے کہ سپریم کورٹ نے شاہ زیب قتل کیس میں ملزمان کی اپیلیں منظور کرلیں اور انہیں رِہا کرنے کا حکم دیا ہے۔

خیال رہے کہ اے ٹی سی نے ملزم شاہ رخ جتوئی اورسراج تالپور کو سزائے موت جب کہ ملزم سجاد تالپور کو عمر قید کی سزا سنائی تھی، سندھ ہائی کورٹ نے دونوں ملزمان کی سزائے موت عمر قید میں تبدیل کردی تھی۔

ملزمان نے سندھ ہائی کورٹ کے فیصلہ سپریم کورٹ کے فیصلے کے خلاف سپریم کورٹ سے رجوع کیا تھا۔

بعدِ ازاں سپریم کورٹ نے سندھ ہائی کورٹ کا ملزمان کی سزا برقرار رکھنے کا فیصلہ کالعدم قرار دیتے ہوئے کہا ہے کہ فریقین کے درمیان صلح ہو چکی ہے، مرکزی ملزم شاہ رخ جتوئی اور نواب سراج تالپور سمیت دیگر ملزمان کو بری کیا جاتا ہے۔

کیس کے عدالتی فیصلے میں کہا گیا کہ انسداد دہشتگردی ایکٹ کی دفعہ سات کے تحت دی گئی ملزمان کی سزا ختم کی جاتی ہے، شاہ رخ جتوئی اور شریک ملزمان اگر کسی اور کیس میں مطلوب نہیں تو انہیں فوری رہا کیا جائے۔

Supreme Court

ATC

Sindh High Court

shahzeb murder case

Comments are closed on this story.