Aaj News

منگل, مارچ 05, 2024  
23 Shaban 1445  

عمران خان 33 نشستوں پر اکیلے 13جماعتوں کا مقابلہ کریں گے، بابر اعوان

فواد چوہدری کیس میں انسانی حقوق کی دھجیاں اڑائی جارہی ہیں، وکیل پی ٹی آئی
شائع 30 جنوری 2023 11:51am
فوٹو۔۔۔۔۔۔۔ اسکرین گریب
فوٹو۔۔۔۔۔۔۔ اسکرین گریب

پاکستان تحریک انصاف کے وکیل بابر اعوان کا کہنا ہے کہ حکیموں نے جڑی بوٹیوں سے 13 جماعتوں کا متنجن بنایا، عمران خان 33 نشستوں پر اکیلے 13جماعتوں کا مقابلہ کریں گے۔

اسلام آباد کی مقامی عدالت کے باہر میڈیا سے گفتگو کرتے ہوئے بابر اعوان نے کہا کہ فوادچوہدری کو پہلے لاہور سے اغواء کیا گیا تھا، جلدی میں انصاف کیا جائے تو انصاف کچلا جاتا ہے، بغیر نوٹس کے فواد چوہدری کے خلاف پٹیشن حیران کن ہے۔

وکیل پی ٹی آئی نے کہاکہ اس وقت افسوسناک سے زیادہ تشویشناک صورتحال ہے، فواد چوہدری کو تیسری بار اغواء کیا گیا ، عدالت اور وکیل کو پتہ ہی نہیں کہ فواد چوہدری کہاں ہے، جس کے لئےعام تعطیل دی گئی وہ بھی نہیں پہنچ سکا۔

انہوں نے مزید کہا کہ فواد چوہدری اپنے بیان کو تسلیم کرتے ہیں، فواد چوہدری کا حوصلہ نہیں ٹوٹے گا، فواد چوہدری کیس میں انسانی حقوق کی دھجیاں اڑائی جارہی ہیں۔

بابر اعوان کا کہنا تھا کہ عمران خان نے 13جماعتوں کو چیلنج کیا ہے، حکیموں نے جڑی بوٹیوں سے تیرہ جماعتوں کا متنجن بنایا، عمران خان 33 نشستوں پر اکیلے 13جماعتوں کا مقابلہ کریں گے۔

pti

اسلام آباد

imran khan

Babar Awan

Fawad Chaudhry arrested

Comments are closed on this story.

تبصرے

تبولا

Taboola ads will show in this div