Aaj News

جمعہ, مارچ 29, 2024  
18 Ramadan 1445  

عمران خان نے کارکنوں اور بچوں کی فوری رہائی کا مطالبہ کردیا

پولیس کارکنوں کو اغوا کرنے کیلیے بغیر وارنٹ چھاپے ماررہی ہے، عمران خان
اپ ڈیٹ 20 مارچ 2023 09:18am
فوٹو۔۔۔۔۔۔ فیس بک
فوٹو۔۔۔۔۔۔ فیس بک

پاکستان تحریک انصاف کے چیئرمین عمران خان نے کارکنوں اور بچوں کی فوری رہائی کا مطالبہ کردیا۔

سماجی رابطے کی ویب سائٹ ٹوئٹر پر اپنے ٹویٹ میں سابق وزیراعظم عمران خان نے کہا کہ اسلام آباد پولیس کے فاشزم کی مثال نہیں ملتی، پولیس پی ٹی آئی کارکنوں کے گھروں پر چھاپے مارہی ہے۔ پولیس کارکنوں کو اغواء کرنے کے لئے بغیر وارنٹ چھاپے ماررہی ہے۔

عمران خان نے مزید کہاکہ کارکن موجود نہ ہو تو 10 سال تک کے بچوں کو اٹھایا جاتا ہے۔

چیئرمین پی ٹی آئی عمران خان نے کارکنوں اور بچوں کی فوری رہائی کا مطالبہ کردیا۔

مسرت جمشید چیمہ نے پولیس چھاپے کی ویڈیو شئیر کردی

دوسری جانب لاہور میں پی ٹی آئی رہنما مسرت جمشید چیمہ کے گھر پر پولیس کی جانب سے چھاپہ مارا گیا۔

مسرت جمشید چیمہ نے سوشل میڈیا پر پولیس چھاپے کی ویڈیو شئیر کردی۔

پی ٹی آئی رہنما نے کہا کہ بغیر کسی وارنٹ کے خواتین اور بچوں کو ہراساں کرنے درجنوں پولیس والے ہمارے گھر کے باہر موجود ہیں۔

انہوں نے مزید کہا کہ ہمارے گھر پر موجود اسٹاف کو پولیس بغیر کسی وارنٹ کے اغواء کر کے لے گئی ہے، کیمرے بھی توڑے اور سامان بھی ساتھ لے گئے ہیں، ایسے لگتا ہے بلوائیوں نے ہلہ بولا ہو۔

pti

اسلام آباد

imran khan

Police Raid

pti leaders

Musarrat Jamshed Cheema

Political March 20 2023

Comments are closed on this story.

تبصرے

تبولا

Taboola ads will show in this div