Aaj News

سپریم کورٹ کو شہباز کو بھی فارغ کرکے مریم کی خواہش پوری کر دینی چاہیئے، فواد چوہدری

امید ہے اسٹیٹ بینک آج سپریم کورٹ کے حکم پر عمل کرے گا، پی ٹی آئی رہنما
شائع 17 اپريل 2023 10:56am
پی ٹی آئی رہنما فواد چوہدری
پی ٹی آئی رہنما فواد چوہدری

پاکستان تحریک انصاف کے رہنما فواد چوہدری کا کہنا ہے کہ سپریم کورٹ کو شہباز کو بھی فارغ کرکے مریم کی خواہش پوری کر دینی چاہیئے۔

سماجی رابطے کی ویب سائٹ ٹوئٹر پر جاری اپنے ٹویٹ میں فواد چوہدری نے کہا کہ امید ہے اسٹیٹ بینک آج سپریم کورٹ کے حکم پر عمل کرے گا اور آئین کے تحت انتخابات کے لئے رقم الیکشن کمیشن کو جاری کر دی جائے گی۔

پی ٹی آئی رہنما نے مزید کہا کہ اگر ایسا نہیں ہوتا تو اسٹیٹ بینک گورنر تو توہین عدالت میں فارغ ہوں گے لیکن سپریم کورٹ کو شہباز شریف کو بھی فارغ کرکے مریم نواز کی خواہش پوری کر دینی چاہیئے۔

فواد چوہدری کا ایک اور ٹویٹ میں کہنا تھا کہ جعلی کیسز کی بھرمار میں ایک اور اضافہ علی زیدی پر ہونے والا کیس ہے، ایک آدمی تھانے میں آیا اس کے بارے میں معلوم ہوا موصوف پرانے اشتہاری ہیں، اس نے کہا 10 سال پہلے علی زیدی نے میرے سے 15 کروڑ روپے لئے اور پراپرٹی کے کاغذات دیے۔

انہوں نے مزید کہا کہ نہ علی زیدی اس شخص کو جانتا ہے نہ وہ شخص علی کو پہچانتا ہے لیکن اس درخواست پر فوری پرچہ ہوا اور سابق وفاقی وزیر اور کراچی کے ممبر قومی اسمبلی کو دھکے دے کر پابند سلاسل کر دیا گیا۔

pti leader

ECP

اسلام آباد

State Bank Of pakistan

Supreme Court of Pakistan

Fawad Chaudhary

Punjab Elections

Politics April 17 2023

Comments are closed on this story.

تبصرے

تبولا

Taboola ads will show in this div