Aaj News

بدھ, جولائ 24, 2024  
17 Muharram 1446  

شہزاد اکبر 22 مئی کو نیب راولپنڈی میں طلب

نیب کا شہزاد اکبر کو پاکستان واپس لانے کیلئے انٹرپول سے رابطے کا فیصلہ
شائع 17 مئ 2023 08:40am
سابق مشیر داخلہ برائے احتساب شہزاد اکبر
سابق مشیر داخلہ برائے احتساب شہزاد اکبر

قومی احتساب بیورو (نیب) راولپنڈی نے القادر ٹرسٹ کرپشن کیس میں سابق وزیراعظم عمران خان کے معاون خصوصی برائے احتساب شہزاد اکبر کو 22 مئی کو طلب کرلیا۔

ذرائع کے مطابق 190 ملین پاؤنڈ اسیکنڈل کیس میں طلبی کے معاملے پر نیب نے شہزاد اکبر کو پاکستان واپس لانے کے لیے انٹرپول سے رابطے کا فیصلہ کیا ہے۔

شہزاد اکبر کو واپس لانے کے لیے انٹرپول سے رابطے کے لیے وزارت داخلہ سے اجازت بھی طلب کی گئی ہے۔

نیب راولپنڈی نے شہزاد اکبر کو کال اپ نوٹس جاری کردیا، نیب نے شہزاد اکبر کو 22 مئی دن ساڑھے11بجے پیش ہونے کی ہدایت کی ہے۔

نیب کی جانب سے شہزاد اکبر کو کیس سے متعلقہ دستاویزات بھی ہمراہ لانے کی ہدایت کی گئی ہے ۔

اس سے قبل چیئرمین پی ٹی آئی عمران خان کو بھی القادر ٹرسٹ کیس میں 18 مئی کو نیب میں ذاتی حیثیت میں طلب کیا گیا ہے۔

pti

اسلام آباد

imran khan

shahzad akbar

nab rawalpindi

Al Qadir Scandal

Politics may 17 2023