امریکی صدر جو بائیڈن کی کئی مرتبہ بھول چوک سامنے آتی رہتی ہیں لیکن اس مرتبہ بائیڈن کی انوکھی بھول سامنے آئی ہے، وہ وائٹ ہاؤس میں بھارتی وزیراعظم کا استقبال کرتے ہوئے غلطی کر بیٹھے ہیں۔

بائیڈن پوری دنیا کے سامنے ایک غلطی کربیٹھے ہیں، انہوں نے بھارت کے قومی ترانہ بجنے پر اپنے دل پر ہاتھ رکھ لیا اور وائٹ ہاؤس میں بھارتی وزیر اعظم کا کا استقبال کیا۔ یہ امریکی صدر کی حالیہ ایک بڑی غلطی تھی۔

یہ صورتحال وائٹ ہاؤس میں موجود تقریباً 7 ہزار افراد کی موجودگی میں پیش آئی تھی، جبکہ بائیڈن تو مودی کے اعزاز میں ہونے والی تقریب کے مہمان تھے۔

امریکی فوج کے پرانے گارڈ کے ایک بینڈ نے جنوبی لان میں حب الوطنی پر مبنی موسیقی بجائی اور جیسے بھارت کا قومی ترانہ شروع ہوا، تو بائیڈن نے اپنا دایاں ہاتھ اپنے بائیں سینے پر رکھ لیا اور اسے تقریباً 15 سیکنڈ تک وہیں چھوڑ دیا۔

بائیڈن کو احساس ہوا تو پھر انہوں نے ہاتھ کو آہستہ آہستہ نیچے کیا اور انہیں یہ احساس ہوا کہ بینڈ امریکی قومی ترانہ نہیں بجا رہے تھے۔

امریکی صدر پہلے بھی ایسی کئی غلطیوں کا ارتکاب کرچکے ہیں، کبھی وہ اپنے عہدیداروں کے نام یاد نہیں رکھتے ہیں کبھی، باچیت کے دوران ان کی زبان پھسل جاتی ہے۔