Aaj News

بدھ, جون 12, 2024  
06 Dhul-Hijjah 1445  

آئی ایم ایف کی ایک اور شرط پوری: درآمدات پر عائد پابندیاں ختم

بندرگاہوں پر پھنسے ہوئے 6 ہزار سے زائد کنٹینرز ریلیز، اسٹیٹ بینک نے سرکلرجاری کردیا
اپ ڈیٹ 24 جون 2023 08:47am

اسٹیٹ بینک کی جانب سے درآمدات پر عائد پابندیاں ختم کردی گئیں ہیں اور اسٹیٹ بینک نے امپورٹ پر عائد پابندیاں ختم کرنے کا سرکلر جاری کردیا ہے۔

اسٹیٹ بینک آف پاکستان نے آئی ایم ایف کی ایک اور شرط پوری کرتے ہوئے درآمدات (امپورٹ) پر عائد تمام پابندیاں ختم کردی گئیں، اور درآمدات پر عائد تمام پابندیاں ختم، اسٹیٹ بینک نے سرکلر جاری کردیا ہے۔

اسٹیٹ بینک کی جانب سے جاری سرکلر کے مطابق درآمدات پر عائد پابندیاں ختم کرنے کے بعد بندرگاہوں پر پھنسے ہوئے 6 ہزار سے زائد کنٹینرز ریلیز کرنے کے لیے بینکوں کو زرمبادلہ کی فراہمی کی اجازت دے دی گئی ہے۔

اسٹیٹ بینک کے مطابق امپورٹ کے لیے زرمبادلہ کی فراہمی میں ترجیحی درآمدات کی شرط ختم کردی گئی ہے، اب تمام درآمدات کے لیے بلاتفریق زرمبادلہ فراہم ہوگا، زرمبادلہ کے مجاز ڈیلرز کو تمام درآمدات کے لیے زرمبادلہ فراہم کرنے کی ہدایت کردی گئی ہے۔ اسٹیٹ بینک کے مطابق فیصلہ اسٹیک ہولڈرز کی تجاویز پر کیا گیا ہے۔

دوسری جانب ذرائع کا کہنا ہے کہ آئی ایم ایف پرگروام کی مدت ختم ہونے میں ایک ہفتہ باقی ہے اور حکومت کی پوری کوشش ہے کہ آئی ایم ایف کو راضی کیا جاسکے، جس کے لیے درامدات پر عائد قدغن ختم کرنے کی آئی ایم ایف کی شرط بھی پوری کردی گئی ہے۔

karachi port

IMF

State Bank Of pakistan

IMPORTS