امریکی صدر جو بائیڈن نے ایک بیان میں کہا ہے کہ غزہ اسرائیل جنگ میں کم از کم 11 امریکی شہری ہلاک ہوئے ہیں اور متعدد کو فلسطینی گروپ کے ہاتھوں یرغمال بنائے جانے کا امکان ہے۔

اس حوالے سے وائٹ ہاؤس کے ترجمان جان کربی لائیو ٹی وی پر بات کر رہے تھے، اور اسرائیل غزہ جنگ کے بارے میں بات کرتے ہوئے رو پڑے۔

جان کربی نے سی این این پر براہ راست نشریات کے دوران حماس حملے پر گفتگو کرتے ہوئے اپنے آنسو روکنے کی کوشش کرتے ہوئے کہا کہ ’ان تصاویر کو دیکھنا مشکل ہے۔ وہ انسان ہیں، خاندان کے افراد ہیں، دوست ہیں، وہ پیارے ہیں۔‘

سوشل میڈیا صارفین نے جان کربی کے آنسوؤں کو ’اداکاری‘ قرار دیا ہے۔

مزید پڑھیں: اسرائیل میں ہلاک اور محصور ہونیوالے غیر ملکیوں کی تعداد سامنے آگئی

ایک صارف نے لکھا، ’بدقسمتی سے، چونکہ کربی نے ہر پریس بریفنگ اور ٹی وی پر انٹرویو کے دوران جھوٹ بولا ہے، اس لیے میرے لیے یہ یقین کرنا مشکل ہے کہ وہ واقعتاً اس حوالے سے کچھ محسوس کر رہے ہیں، یا صرف اداکاری کر رہے ہیں۔‘

مزید پڑھیں: قسام بریگیڈ نے یرغمال اسرائیلیوں کے قتل کی دھمکی دے دی

ایک اور صارف نے لکھا، ’کربی ایک بڑبولی شرمندگی ہیں، جب وہ اس نوکری کو چھوڑ دیں گے تو ایک بہترین استعمال شدہ کاروں کے سیلز مین بن سکتے ہیں‘۔

مزید پڑھیں: یورپی یونین نے فلسطینیوں کی امداد روک دی

ایک صارف نے ان کے رونے کو ’مگرمچھ کے آنسو‘ قرار دیا۔

خیال رہے کہ امریکی صدر جو بائیڈن نے کہا ہے کہ واشنگٹن نے اسرائیل کی حمایت میں ایک طیارہ بردار بحری جہاز بھیجا ہے اور اپنے کلیدی اتحادی کے ساتھ یرغمالیوں کی بازیابی کی کوششوں پر کام کر رہا ہے۔