دنیا بھرمیں شائقین کرکٹ کی نظریں آج ٹی وی اسکرین پر جمی ہیں، روایتی حریفوں کے درمیان ورلڈ کپ کے اہم ترین ٹاکرے کے موقع پرپاکستان کے نگراں وزیراعظم انوارالحق کاکڑ کی جانب سے بھی گرین شرٹس کے حوصلے بڑھائے گئے ہیں۔

سماجی رابطوں کی ویب سائٹ ایکس پر اپنے پیغام میں کہا کہ ، ’چلو اسے (ورلڈ کپ ٹرافی ) گھرلے آتے ہیں‘۔

انوار الحق نے اپنے پیغام میں بھارت کے خلاف آج کے میچ کے لیے کرکٹ ٹیم کے لیے نیک خواہشات کا اظہار کرتے ہوئے کھلاڑیوں کہا کہ آپ عزم، مہارت اور لڑنے کے جذبے کے ساتھ کھیلیں جس کے لئے آپ مشہور ہیں۔

شاہینوں کو ورلڈ کپ ٹرافی پاکستان لانے کا حوصلہ دینے والے نگراں وزیراعظم نے مزید لکھا کہ، ’پوری قوم آپ کے پیچھے کھڑی ہے اور آپ کی حوصلہ افزائی کر رہی ہے‘۔