بہت سے کھیلوں کی طرح اب کرکٹ کے شائقین بھی اپنے پسندیدہ کھیل کواولمپکس میں کھیل اوردیکھ سکیں گے۔

2028 کے اولمپکس میں کرکٹ کی شرکت کے امکانات قریب ہیں کیونکہ ایونٹ کے منتظمین نے اعلان کیا ہے کہ انہوں نے لاس اینجلس گیمز میں اس کھیل کو شامل کرنے کی سفارش کی ہے۔

اس سے پہلے1998 میں کوالالمپور اور 2022 میں برمنگھم میں ہونے والے کامن ویلتھ گیمز کے دو حالیہ ایڈیشنز میں کرکٹ دیکھی گئی ہے لیکن 1900 میں پیرس میں انگلینڈ نے فرانس کو واحد میچ میں شکست دے کر گولڈ میڈل جیتنے کے بعد سے اولمپک کھیلوں میں یہ کھیل نہیں دیکھا گیا ۔

تاہم امریکہ میں اولمپکس میں دوسری بار شرکت 5 سال میں متوقع ہے کیونکہ ایل اے 28 کے عہدیداروں نے آئی او سی کو منظوری کے لیے پیش کی جانے والی کھیلوں کی فہرست میں کرکٹ کو شامل کرنے کی سفارش کی ہے۔

آئی سی سی کے چیئرمین گریگ بارکلے اس سفارش کے بارے میں سن کر بہت خوش ہیں اور مستقبل میں حتمی فیصلے کے منتظر ہیں۔

بارکلے نے کہا کہ ہمیں خوشی ہے کہ ایل اے 28 نے اولمپکس میں کرکٹ کو شامل کرنے کی سفارش کی ہے۔

مزید پڑھیں:

پہلا کرکٹ ورلڈکپ کب اور کہاں کھیلا گیا، فاتح کون سی ٹیم رہی؟

کرکٹ ورلڈ کپ کیلئے آن لائن ٹکٹوں کی فروخت کب شروع ہوگی؟ تاریخ سامنے آگئی

کرکٹ کی دلچسپ اصطلاحات پر ایک نظر

انہوں نے کہا کہ اگرچہ یہ حتمی فیصلہ نہیں ہے لیکن یہ ایک صدی سے زیادہ عرصے میں پہلی بار اولمپکس میں کرکٹ دیکھنے کے لیے ایک بہت اہم سنگ میل ہے۔

انہوں نے کہا کہ میں ایل اے 28 کا شکریہ ادا کرنا چاہتا ہوں جنہوں نے گزشتہ دو سالوں کے دوران کھیلوں کی جانچ پڑتال کے نئے عمل کے دوران ان کی حمایت کی اورکہا کہ ہم اگلے ہفتے آئی سی سی مینز کرکٹ ورلڈ کپ کے دوران ہندوستان میں آئی او سی کے اجلاس میں حتمی فیصلے کے منتظر ہیں۔