سعودی عرب کا ایک محیط رقبہ ریگستان پر مشتمل ہے لیکن اسکے باوجود مملکت زراعت کے حوالے سے کافی عرصے سے بہت زیادہ کام کیا جارہا ہے۔

سعودی عرب نے زراعت میں ایک یادگار کامیابی کے ساتھ گنیز ورلڈ ریکارڈ میں اپنا نام درج کرا لیا ہے جہاں 3.2 ملین مربع میٹر کا میگا فارم زراعت قائم کیا گیا ہے۔

سعودی عرب کےعاسیر کے علاقے وادی بن ہشبل میں واقع زراعت کے ریسرچ یونٹ کا ایک توسیعی فارم رقبے کے لحاظ سے دنیا کا سب سے بڑا فارم تسلیم کیا گیا ہے۔

3.2 ملین مربع میٹر کے وسیع رقبے پر فارم کو دو حصوں میں تقسیم کیا گیا ہے اور اس کے ہرحصہ میں ایک کنکریٹ ٹینک موجود ہے جس کی گنجائش 500 مکعب میٹر ہے۔

##مزید پڑھیں:

سعودی عرب ہرے رنگ میں رنگ گیا

پاکستان کے کم عمر مارشل آرٹسٹ نعمان محسود نے بھارت کا عالمی ریکارڈ توڑ دیا

گنیز بُک میں نام آنے سے قبل ہی 104 سالہ ڈورتھی چل بسیں

وسیع رقبے میں پھیلے ان کھیتوں میں تمام فصلوں کی پرورش کے لئے خودکارآبپاشی نیٹ ورک کام کرتا ہےاسکے علاوہ اس میں پانچ ائرکنڈیشنڈ گرین ہاؤس بھی شامل ہیں۔

فارم کی قابل ذکر پیداوار میں انجیر، بادام، زیتون، لیموں، سنگترے، ٹینجرین، انار،اور انگورشامل ہیں یہ فارم تجرباتی کھیتوں کی میزبانی بھی کرتا ہے۔