پاکستان کے معروف اداکار سید جبران نے علیحدگی سے متعلق افواہوں پر خاموشی توڑ دی، اداکار کی جانب سے ان افواہوں کی تردید کردی گئی ہے۔

حال ہی میں سید جبران نے ایک پوڈ کاسٹ شو میں شرکت کی، جہاں انہوں نے پہلی بار سوشل میڈیا پر وائرل اپنی طلاق کی افواہوں پر کھل کر گفتگو کی۔

انہوں نے ان قیاس آرائیوں کی تردید کرتے ہوئے کہا کہ ’ہماری علیحدگی سے متعلق خبریں صرف بے بنیاد قیاس آرائیاں ہیں، میری اہلیہ ان سنی سنائی باتوں پر شدید برہم ہوگئی تھیں، انہیں بہت مشکلوں سے میں نے سنبھالا تھا‘۔

انہوں نے اپنی ازدواجی زندگی سے متعلق کہا کہ ’ہماری شادی شدہ زندگی میں سب کچھ بالکل ٹھیک ہے، ہم دونوں ایک دوسرے کے ساتھ ہیں‘۔

مزید پڑھیں:

’ہم دونوں نے چھپ کر شادی کی تھی‘ ، عثمان پیرزادہ کا بڑا انکشاف

آغا علی نے حنا الطاف کے ساتھ تمام تصاویر ڈیلیٹ کردیں

روبینہ اشرف نےلڑکیوں کو کامیاب شادی کیلئے 4 نکات بتا دیے

انہوں نے انٹرویو کے دوران یہ بھی انکشاف کیا کہ اداکاری کے کیریئر کے ابتدا میں ایک بار پاکستانی اداکارہ سعدیہ امام سے ان کی شادی کی افواہیں سرگرم ہونے لگ گئی تھیں۔

سید جبران نے مزید کہا کہ ’اب ایک لمبے عرصے کے بعد طلاق کی یہ افواہیں سامنے آئیں لیکن اس بار پلیٹ فارم مختلف تھا‘۔

ڈراموں میں منفی کردار ادا کرنے والی سید جبران نے اب تک کئی ڈراموں سے مداحوں کے دل جیتے ہیں۔ ’تڑپ‘، ’جن زادہ‘، ’دراڑ‘ اور ’میرے ہمنشیں‘ ان کے مقبول ترین ڈرامے ہیں۔