Aaj News

جمعہ, مارچ 01, 2024  
19 Shaban 1445  

عمیر رانا نے سوشل میڈیا ٹرولنگ کے جواب میں اسلامی پیغام دے دیا

'جس دن نفرت میرے اور آپ کے دل میں آگئی تو ہم گیم ہار جائیں گے'
شائع 29 نومبر 2023 09:36am
تصویر: عمیر رانا/انسٹاگرام
تصویر: عمیر رانا/انسٹاگرام

پاکستان ڈرامہ انڈسٹری کے سینیئر اداکارعمیر ٓرانا نے سوشل میڈیا پر ٹرولنگ کرنے والے صارفین کیلئے ایک پیغام جاری کیا ہے۔

ٓایک کامیڈی شو میں شرکت کرنے والے اداکار نے نجی زندگی اور شوبز کیریئر سے متعلق کھل کر گفتگو کی۔

عمیررانا کا کہنا تھا کہ وہ ان ٹرولز پر کوئی توجہ نہیں دیتے ہیں اور اپنی توجہ بھلائی پھیلانے پر مرکوز رکھتے ہیں۔

میزبان کی جانب سے سوشل میڈیا ٹرولنگ سے متعلق سوال پراداکار اور تھیٹر ڈائریکٹرعمیر رانا نے کہا کہ ’میرے نزدیک حقیقی دنیا حقیقی اہمیت کی حامل ہے‘۔

انہوں نے مزید کہا کہ ’میں صرف اس وقت پریشان یا فکرمند ہوا جب میں نے دیکھا کہ سائبر دنیا نے لوگوں کی ملازمتوں اور کیریئر کو خطرے میں ڈالتے ہوئے ان کی زندگیوں کو متاثر کرنا شروع کر دیا ہے‘۔

اداکار کے مطابق اس طرح کے شدید ٹرولز ان کے لئے ایک مسئلہ بن جاتے ہیں اور یہی وہ جگہ ہے جہاں وہ لکیر کھینچتے ہوئے اس سے بچنے کی کوشش کرتے ہیں۔

ٹرولنگ کرنے والوں کو مخاطب کرتے ہوئے انہوں نے کہا کہ ’نفرت کو جگہ نہ دینا، جس دن نفرت آپ کے اور میرے دل میں آگئی تو ہم گیم ہار جائیں گے، ہمارا مذہب امن کی وکالت کرتا ہے‘۔

انہوں نے مزید کہا کہ ’ہمارا دین ہر ایک کو کہتا ہے کہ ”السلام علیکم ورحمتہ اللہ وبرکاتہ“، یہی ہمارے لیے سبق ہے۔

مزید پڑھیں:

پاکستانی فلم کملی نے ایک ساتھ 3 اعزاز اپنے نام کرلیے - Life & Style - AAJ

’دانش کا مقابلہ خاور مانیکا سے نہ کیجئے، دانش کی روح کو تکلیف ہوتی ہوگی‘

عمیر رانا پاکستان ڈرامہ انڈسٹری کے مقبول اداکار ہیں، وہ تھیٹر ڈراموں کی ہدایت کاری کے لئے بھی جانے جاتے ہیں۔

’پیار کے صدقے‘، ’زن مرید‘، ’دل نہ امید تو نہیں‘، ’سنگِ مر مر‘، ’ہم کہاں کے سچے تھے‘ اور ’سنگِ ماہ‘ ان کے مقبول ڈراموں میں سے ہے۔

Interview

Message

Pakistani Actor

lifestyle

theatre director

show

Umair rana

Social media trolling

Comments are closed on this story.

تبصرے

تبولا

Taboola ads will show in this div