پاکستان کے مقبول مصنف خلیل الرحمان قمرنے چیئرمین پی ٹی آئی عمران خان کی اہلیہ بشریٰ بی بی کے سابق شوہر خاور مانیکا کا موازنہ دانش سے کرنے والے صارفین سے ایک عاجزانہ درخواست کی ہے۔

سماجی رابطے کی ویب سائٹ ایکس پر خلیل الرحمان قمر نے ایک پوسٹ شئیر کی ہے۔

انہوں نے پوسٹ میں خاور مانیکا کو مقبول ڈرامہ سیریل ’میرے پاس تم ہو‘ کے مرکزی کردار ’دانش‘ سے موازنہ کرنے والے صارفین کیلئے ایک پیغام جاری کیا ہے۔

خلیل الرحمان نے درخواست کی کہ، ’پلیز دانش کا مقابلہ خاور مانیکا سے نہ کیجئیے۔ دانش کی روح کو تکلیف ہوتی ہوگی۔‘

ڈرامے میں ’دانش‘ نامی کردار سے متعلق گفتگو کرتے ہوئے انہوں نے کہا کہ ’اُس نے چھوڑ دینے کے بعد کبھی مہوش کے خلاف کوئی بات نہیں کی تھی۔‘

خیال رہے کہ بشریٰ بی بی کے سابق شوہر خاور مانیکا نے ایک نجی شو میں اپنی ازدواجی زندگی اور عمران خان سے متعلق کئی انکشافات کیے تھے۔

ان کی شادی کے اختتام کے انداز پر سوشل میڈیا صارفین نے بھی پاکستانی ڈرامے سے موازنہ کرتے ہوئے تبصرے کیے تھے۔