Aaj News

پیر, اپريل 22, 2024  
13 Shawwal 1445  

نگراں وزیراعلیٰ کا سرمایہ کاروں کی سہولت کیلئے لاہور میں بزنس فیسیلیٹیشن سینٹر کا افتتاح

برق رفتار ون ونڈو آپریشن کا آغاز، 20 صوبائی، 106وفاقی محکموں کے این او سیز 15 روز میں جاری ہوں گے
شائع 04 دسمبر 2023 11:19pm
فوٹو ــ اسکرین گریب
فوٹو ــ اسکرین گریب

نگراں وزیراعلیٰ پنجاب محسن نقوی نے سرمایہ کاروں کی سہولت کیلئے لاہور میں بزنس فیسیلیٹیشن سینٹر کا افتتاح کردیا۔ محسن نقوی نے کہا کہ کاروبار کے فروغ کیلئے اس سینٹر سے 20 صوبائی اور وفاقی محکموں کے 106 این او سیز صرف 15 روز میں جاری ہو سکیں گے۔

وزیر اعلیٰ پنجاب محسن نقوی نے پاکستان کی تاریخ میں پہلی بار سرمایہ کاروں کی سہولت کیلئے برق رفتار ون ونڈو آپریشن کا آغاز کر دیا۔

محسن نقوی نے صوبائی کابینہ اور چین و ترکیہ کے قونصل جنرل کے ہمراہ صوبے کے پہلے بزنس فیسیلیٹیشن سینٹر کا افتتاح کیا۔

تقریب سے خطاب کرتے ہوئے محسن نقوی نے کہا کہ پنجاب کا پہلا بزنس فیسیلیٹیشن سینٹر فنکشنل کرنے کیلئے محکمہ صنعت اور لاہور چیمبرز آف کامرس نے اہم کردار ادا کیا ہے۔

انھوں نے کہا کہ بیرون ملک کے سرمایہ کاروں کو این او سیز کے حصول کیلئے بہت مشکل ہوتی تھی۔ فیصل آباد، سیالکوٹ، گوجرانوالہ، راولپنڈی اور ملتان میں بھی 30 دن کے اندر 5 بزنس فیسیلیٹیشن سینٹرز فنکشنل کر دیئے جائیں گے۔

ترکیہ اور چین کے قونصل جنرل نے بھی پنجاب حکومت کے بزنس فیسیلیٹیشن سینٹر بنانے کے اقدام کو سراہا۔

economic crisis

Special Investment Facilitation Council

CARETAKER CM PUNJAB

Comments are closed on this story.

تبصرے

تبولا

Taboola ads will show in this div