نگراں وزیراعلی پنجاب محسن نقوی نے کہا کہ ہم سرکاری اسپتالوں کو نجی اسپتالوں کی طرز پر بنا رہے ہیں۔

تقریب میں ڈاکٹرز سے خطاب کرتے ہوئے کہا کہ 31 جنوری تک امید ہے تزئین و آرائش کا کام مکمل ہوجائے گا، ڈاکٹرز دن رات پاکستان کی خدمت کررہے ہیں۔

انہوں نے کہا کہ ڈاکٹرز جان کی پر واہ کیے بغیر مریض دیکھتے ہیں، ہم ڈاکٹرز کی جتنی قدر کریں وہ کم ہے، اسپتالوں کی تزئین و آرائش ہم مکمل کردیں گے۔

ان کا کہنا ہے کہ اسپتالوں کو اسی حالت میں بحال رکھنا وہاں کی انتظامیہ کا کام ہے، اسپتالوں میں ڈاکٹرزاونرشپ لیں گے تو فائدہ ہوگا۔