خواتین بڑھتی عُمر کے ساتھ ساتھ چہرے پر آنے والی تبدیلیوں سے کچھ زیادہ ہی حساس ہوتی ہیں، اس مقصد کیلئے وہ اپنی اسکِن کیئر پر کوئی سمجھوتہ نہیں کرتیں۔

ان کی ہر ممکن کوشش ہوتی ہے کہ وہ عمُر کے ہر حصے میں ڈیسنٹ لگیں۔ لیکن چہرے پرآنے والی جھریاں اور لکیریں ان کی بڑھتی عُمر کی عکاسی کر رہی ہوتی ہیں۔

خواتین کی اس مشکل کو دور کرنے کیلئے ذیل میں موجود فیس ماسک ان کیلئے کارآمد ثابت ہوسکتا ہے۔

یہ فیس ماسک صرف دو چیزوں سے گھر پر ہی تیار کیا جاسکتا ہے۔ اس کیلئے صرف 2 چمچ انڈے کی سفیدی اور 1 چمچ شہد لیں۔

ان دنوں کو آپس میں اچھی طرح مکس کریں اور منہ دھو کر 15 منٹ کیلئے لگالیں۔ ڈرائی ہونے پر چہرہ ٹھنڈے پانی سے اچھی طرح دھولیں۔

انڈے کی سفیدی میں پروٹین پایا جاتا ہے جو جلد کیلئے انتہائی ضروری ہے جبکہ شہد میں موجود قدرتی اینٹی بیکٹیریل خصوصیات مہاسوں کا سبب بننے والے بیکٹیریا کو مارنے میں مدد کرتی ہیں۔