Aaj News

بدھ, جولائ 24, 2024  
17 Muharram 1446  

چینی معیشت نے جنوبی کوریا کیلئے بھی خطرے کی گھنٹی بجادی

'گلا کاٹ' مسابقت کے باعث ہائی ٹیک برآمدات بھی گھٹ گئیں، حکومت ٹیکسوں میں اضافے پر مجبور
شائع 04 مارچ 2024 01:57pm

بڑے پیمانے کی مینوفیکچرنگ کی بدولت چین کے لیے عالمی معیشت میں ایڈوانٹیج لینے کی گنجائش بڑھتی جارہی ہے۔ چینی مصنوعات نے امریکا اور یورپ کے ساتھ ساتھ اپنے پڑوس میں بڑی معاشی قوتوں کو بھی ٹف ٹائم دینا شروع کردیا ہے۔

جدید ترین گاڑیوں، سیل فون اور مختلف الیکٹرانکس آئٹمز کے شعبے میں جنوبی کوریا کی برآمدات خطرے میں پڑگئی ہیں۔

گزشتہ برس جنوبی کوریا نے مینوفیکچرنگ کے شعبے میں 25 سال کی سب سے زیادہ گراوٹ دیکھی۔

عالمی منڈیوں میں مندی کے باعث جنوبی کوریا کی سیمی کنڈکٹرز کی برآمدات بھی مشکلات کا شکار ہیں۔

جنوبی کوریا کی برآمدات کا زیادہ انحصار سیمی کنڈکٹرز کی برآمد پر ہے۔

جنوبی کوریا میں امریکا اور یورپ جیسا افراطِ زر تو نہیں تاہم عام آدمی کے لیے مشکلات بڑھتی جارہی ہیں۔

کم ہوتی ہوئی برامدات نے حکومت کو آمدنی میں اضافے کے لیے دیگر بہت سے اقدامات کے ساتھ ساتھ ٹیکس میں اضافے پر بھی مجبور کیا ہے۔

دو ماہ کے دوران صنعتی پیداوار کا گراف تھوڑا سا بلند ہوا ہے۔ افراطِ زر زیادہ نہ ہونے سے جنوبی کوریا کے عوام کو کچھ آسانی بھی میسر ہے تاہم آمدنی میں اضافہ یقینی بنانا حکومت اور عوام دونوں کے لیے ایک بڑا چیلنج بن گیا ہے۔

South Korea

Chinese Economy

ALARMING SITUATION

LOW EXPORTS

ELECTRONICS