آصف علی زرداری نے گزشتہ روز صدارتی الیکشن جیت کر دوسری مرتبہ پاکستان کا صدر بننے کا اعزاز حاصل کیا، اُن کی تقریب حلف برداری میں ان کے تینوں بچے بھی شریک تھے۔

بڑی صاحبزادی بختاور نے والد کی تقریب حلف برداری سے دلکش تصاویرشیئر کرتے ہوئے اپنے احساسات کو زبان دی۔

ان تصاویرمیں بختاور کے خاوند محمود چوہدری اور ان کے دونوں بیٹے بھی نمایاں ہیں۔

بختاور نے اپنی پوسٹ کے کیپشن میں لکھا، ’ ہم بچے تھے جب میری والدہ نے 2 بار پاکستان کی وزیر اعظم کی حیثیت سے خدمات انجام دیں اور کل میں اپنے بچوں کو یہ دکھانے کے لیے لائی کہ میرے والد دوسری بار پاکستان کے صدر منتخب ہونے والے پہلے سویلین بن گئے ہیں۔’

بختاور کی اس پوسٹ پر صارفین کی جانب سے ملے جلے تبصرے دیکھنے میں آئے۔

پاکستان پیپلز پارٹی کے لیے نرم گوشہ رکھنے والوں نے اس کیپشن اور تصاویر کو سراہتے ہوئے نیک خواہشات کااظہار کیا جبکہ مخالفین نے تنقید کا نشانہ بنایا۔

واضح رہے کہ سابق وزیراعظم بینظیر بھٹو اور صدر آصف علی زرداری کی بڑی صاحبزادی بختاور 31 جنوری 2021 کو دبئی کے پاکستانی نژاد صنعت کارمحمود چوہدری کے ساتھ شادی کے بندھن میں بندھی تھیں۔