Aaj News

پیر, مئ 27, 2024  
18 Dhul-Qadah 1445  

گہرے سمندر میں ماہی گیروں کی کشتی میں نماز پڑھنے کی ویڈیو وائرل

ماہی گیروں کی اس ویڈیو کو صارفین کی جانب سے سراہا جا رہا ہے
شائع 19 مارچ 2024 02:31pm

رمضان کے مہینے میں جہاں ہر دوسرا مسلمان عبادت میں مگن دکھائی دیتا ہے، وہیں کچھ ایسے بھی ہیں، جو کہ کام کے دوران بھی نماز نہیں چھوڑتے ہیں۔

انڈونیشیاء سے تعلق رکھنے والی اس ویڈیو نے بھی اُس وقت سب کی توجہ حاصل کی، جب ماہی گیر بیچ سمندر میں نماز ادا کر رہے تھے۔

ویڈیو میں دیکھا جا سکتا ہے کہ پُر امن اور رات کی سیاہی میں یہ ماہی گیر باجماعت نماز ادا کر رہے ہیں۔

اگرچہ کشتی سمندری لہروں کے درمیان موجود ہے، اور ہچکولے بھی کھا رہی ہے، تاہم اس کے باوجود ماہی گیر توازن برقرار رکھے ہوئے ہیں۔

ویڈیو بذریعہ: سوشل میڈیا صارف

ویڈیو میں دیکھا جا سکتا ہے کہ گریوٹی کے ساتھ ساتھ نمازی اپنے توازن کو برقرار کچھ اس طرح رکھے ہوئے ہیں کہ جیسے ہی کشتی ایک جانب کو ہوتی ہے، تو نمازی دوسری جانب کو اپنا وزن کر لیتے ہیں، تاکہ توازن کو برقرار رکھا جائے۔

جبکہ دوسری جانب امام کی جانب سے بھی بنا رکے تلاوت کی جا رہی ہے، سوشل میڈیا پر صارفین کی جانب سے ماہی گیروں کی اس ویڈیو کو سراہا جا رہا ہے۔

Indonesia

Ship

Sea

prayers