Aaj News

پیر, جون 24, 2024  
17 Dhul-Hijjah 1445  

فیکٹ چیک: ’مرشد کے دیدار کی خوشی میں عمران ریاض کا رقص‘

عمران ریاض کے رقص کی ویڈیوز نے سوشل میڈیا پر ہنگامہ مچا دیا
شائع 18 مئ 2024 01:17pm

حال ہی میں سوشل میڈیا پر صحافی عمران ریاض خان سے منسوب کچھ ویڈیوز وائرل ہو رہی ہیں جن کے حوالے سے دعویٰ کیا گیا ہے کہ پاکستان تحریک انصاف (پی ٹی آئی) کے بانی عمران خان کی تصویر منظر عام پر آنے کی خوشی میں عمران ریاض نے رقص کیا۔

مصطفیٰ چوہدری جو کہ ایک مزاحیہ اداکار ہیں، انہوں نے ویڈیو کے پھیلاؤ کو ہوا دی۔

انہوں نے ایک ویڈیو شیئر کرتے ہوئے لکھا، ’اگر عمران ریاض بھائی ڈانس کر رہے ہیں اور خود سے لطف اندوز ہو رہے ہیں تو کیا حرج ہے؟‘

جس کے بعد دیکھتے ہی دیکھتے کئی ویڈیوز سوشل میڈیا پر سامنے آگئیں۔

فیکٹ چیک: ’افغانستان نے پاکستانی ملٹری ہیلی کاپٹر مار گرایا، ایس ایس جی کمانڈوز گرفتار‘، دعویٰ کتنا حقیقی؟

ان ویڈیوز شئیر کرنے والوں میں صرف عمران ریاض کے مخالف ہی نہیں بلکہ حامی بھی شامل تھے۔

تاہم، جب اس ویڈیو کو فیکٹ چیک کیا گیا تو معلوم ہوا کہ وائرل ہونے والی ویڈیوز صحافی عمران ریاض کی نہیں بلکہ ان سے مشابہت رکھنے والے ایک شخص کی ہیں جو کہ بھارتی ہے۔

اس شخص کا نام وَرُن اروڑا ہے اور اس کی سفید داڑھی اور قد کی وجہ سے شبہ جاتا ہے کہ وہ عمران ریاض ہے۔

اس شخص کا تعلق بھارت سے ہے اور یہ سوشل میڈیا پر ڈانس کی ویڈیوز بھی بناتا ہے۔

عمران خان کی مزید تصویر جاری، لیک کرنے والا کون؟

تاہم، کچھ لوگوں نے سوشل میڈیا پلیٹ فارمز پر جھوٹے دعوؤں کی تشہیر کے لیے اس شخص کی ویڈیوز کا استعمال کیا ہے۔

Viral Video

imran riaz khan

Imran Khan New Picture

Imran Riaz Dance Video