Aaj News

بدھ, جنوری 22, 2025  
21 Rajab 1446  

عمران خان نے 13 دسمبر کو پشاور میں جلسے کا اعلان کردیا

حکومت سے مذاکرات کیلئے پانچ رکنی کمیٹی بھی قائم
اپ ڈیٹ 06 دسمبر 2024 09:52am

پاکستان تحریک انصاف (پی ٹی آئی) کے بانی اور سابق وزیر اعظم عمران خان نے اسلام آباد میں پارٹی کے حالیہ جلسے کے دوران مارے گئے ”شہدا کو خراج عقیدت پیش کرنے“ کے لیے 13 دسمبر کو پشاور میں ”عظیم الشان اجتماع“ کا اعلان کیا ہے۔

واضح رہے کہ پی ٹی آئی نے دعویٰ کیا کہ اسلام آباد میں پارٹی کی ’فائنل کال‘ احتجاج کے دوران قانون نافذ کرنے والے اداروں کی فائرنگ کے نتیجے میں پارٹی کے کم از کم 12 کارکن ہلاک ہوئے ہیں۔ حکومت نے بار بار ان الزامات کی تردید کی ہے۔

ایکس اکاؤنٹ پر شیئر کیے گئے اپنے تازہ ترین پیغام میں عمران خان نے افسوس کا اظہار کیا کہ پارٹی کے کارکن ”ریاستی دہشت گردی کے نتیجے میں“ مارے گئے، انہوں نے مزید کہا کہ ”ملک میں آمریت قائم ہو چکی ہے“۔

عمران خان نے کہا کہ ہمارے سینکڑوں کارکن لاپتا ہیں، سپریم کورٹ کو اب اس کا نوٹس لینا چاہیے اور اپنا آئینی کردار ادا کرنا چاہیے۔

انہوں نے مزید کہا کہ ہم نے انسانی حقوق کی سنگین خلاف ورزیوں پر سپریم کورٹ، لاہور ہائی کورٹ اور اسلام آباد ہائی کورٹ سے رجوع کیا لیکن عدالتوں کی جانب سے کوئی کارروائی نہیں کی گئی اور ملک اس نہج پر پہنچ گیا ہے۔

عمران کے تازہ پیغام میں نہ صرف جلسے کا اعلان کیا گیا بلکہ عمر ایوب خان، علی امین گنڈا پور، صاحبزادہ حامد رضا، سلمان اکرم راجہ اور اسد قیصر پر مشتمل پانچ رکنی مذاکراتی ٹیم بھی تشکیل دی گئی ہے۔

ہماری غلط حکمت عملی سے عمران خان کو نقصان پہنچ سکتا ہے، شوکت یوسفزئی

عمران خان کی 24 نومبر کو اسلام آباد مارچ کی فائنل کال، احتجاج سے پہلے ہی مذاکراتی کمیٹی تشکیل

imran khan

IMRAN KHAN Adiyala Jail