پاکستان تحریک انصاف (پی ٹی آئی) خیبر پختونخوا کے صدر جنید اکبر نے صوابی میں ہونے والے جلسے کو کامیاب قرار دیتے ہوئے پارٹی رہنماؤں اور کارکنوں کا شکریہ ادا کیا ہے۔ انہوں نے جلسے میں عدم دلچسپی دکھانے والے عہدیداران کے خلاف کارروائی کا اعلان بھی کیا ہے۔

اپنے بیان میں جنید اکبر نے کہا کہ جلسے کی تیاریوں میں عدم دلچسپی دکھانے والے عہدیداروں کے خلاف سخت کارروائی کی جائے گی۔ انہوں نے واضح کیا کہ تین دنوں کے اندر ایسے عہدیداروں کی نشاندہی کی جائے گی جو جلسے کے لیے لوگوں کو متحرک کرنے میں ناکام رہے۔

جنید اکبر کے ’بھائیوں‘ پر غریب آدمی کو مارنے کا الزام، حقائق کیا ہیں؟

جنید اکبر کا کہنا تھا کہ کامیاب جلسے کے باوجود جو عہدیدار اور تحصیل چیئرمین متحرک نظر نہیں آئے، ان کے خلاف بھی کارروائی عمل میں لائی جائے گی۔ انہوں نے مزید کہا کہ ان افراد کے نام پارٹی کے بانی چیئرمین کو فراہم کیے جائیں گے تاکہ تنظیمی نظم و ضبط کو مزید مؤثر بنایا جا سکے۔

علاوہ ازیں، صدر پی ٹی آئی خیبرپختونخوا نے پارٹی عہدیداروں کو ہدایت کی ہے کہ وہ اس بارے میں رپورٹ جمع کروائیں کہ صوابی جلسے میں اپنے ساتھ کون کتنے لوگ لایا تھا۔

جنید اکبر نے کہا کہ پارٹی کے ڈسٹرکٹ صدور، جنرل سیکرٹری، تحصیل ناظمین ت9ین دن میں رپورٹ دیں کہ کون کتنے بندے لے کر آیا تھا۔

صوابی میں پی ٹی آئی کا جلسہ، علی امین گنڈاپور کا سپہ سالار کو پیغام

انہوں نے پارٹی عہدیداروں کو ہدایت کی کہ رپورٹ ریجنل صدر کے پاس جمع کریں، رپورٹ خود سوشل میڈیا پر بھی شیئر کریں اور میں بھی شیئر کروں گا۔

پی ٹی آئی کے کے صدر نے کہا کہ رپورٹس عمران خان کو دوں گا اور کسی کے ساتھ پارٹی میں زیادتی نہیں ہوگی۔