اسرائیل کی طرد سے یمن کے صوبہ الحدیدہ میں فضائی حملے کی کارروائی کے بعد مشرقِ وسطیٰ میں کشیدگی میں مزید اضافہ ہو گیا۔

حوثی حکومت کے زیرانتظام وزارت داخلہ کے مطابق اسرائیل نے بحر احمر کی تین اہم بندرگاہوں راس عیسیٰ، الحدیدہ اور صلیف کے شہریوں کو حملے سے قبل علاقہ خالی کرنے کی وارننگ دی تھی۔

اسرائیل نے دعویٰ کرتے ہوئے کہا ہے کہ ان بندرگاہوں کو ایرانی حمایت یافتہ حوثی جنگجو اپنے مقاصد کے لیے استعمال کر رہے ہیں۔

سعودی کابینہ کا اجلاس، پاک بھارت جنگ بندی اور فلسطینیوں کی حمایت کا اعادہ

ادھر صبا نیوز ایجنسی کے سربراہ نصرالدین عامر نے دعویٰ کیا ہے کہ اسرائیل نے ابھی تک کوئی حملہ نہیں کیا۔ اسرائیلی حکام کی جانب سے اس معاملے پر تاحال کوئی سرکاری بھی سامنے نہیں آیا ہے۔

امریکہ کی ایران کے جوہری پروگرام پر مزید پابندیاں عائد

یہ پیش رفت ایسے وقت پر ہوئی ہے جب حال ہی میں یمن سے داغا گیا ایک میزائل اسرائیل کے قریب پہنچنے سے قبل تباہ کر دیا گیا تھا۔ اسرائیل گزشتہ کئی ماہ سے حوثی ٹھکانوں کو نشانہ بناتا آرہا ہے۔

حماس سے رہائی پانے والے امریکی یرغمالی کا نیتن یاہو سے ملنے سے انکار

یاد رہے کہ امریکی صدر ڈونلڈ ٹرمپ نے 15 مارچ کو یمن میں حوثیوں کے خلاف فوجی کارروائی کا دوبارہ آغاز کیا تھا، لیکن بعد ازاں عمان کی ثالثی سے ایک سیزفائر معاہدہ بھی طے پایا، جس میں اسرائیل شامل نہیں تھا۔