پاک بھارت جنگ کے دوران ملکی اداروں کے خلاف ہرزہ سرائی پر ایک ملزم کو گرفتار کرکے پیکا ایکٹ کے تحت مقدمہ درج کرلیا گیا۔

پاک بھارت جنگ کے دوران ملکی اداروں کے خلاف سوشل میڈیا پر ہرزہ سرائی کرنے والوں کے خلاف نیشنل سائبر کرائم ایجنسی انویسٹی گیشن ایجنسی متحرک ہوگئی اور کارروائی کے دوران ایک ملزم نذیر کو گرفتار کر لیا گیا۔

ملزم نذیر کا تعلق جہلم سے ہے جس نے مبینہ طور پر سوشل میڈیا پر اداروں کے خلاف مہم چلائی اور اداروں اور فوجی افسروں کے خلاف پروپیگنڈے میں ملوث رہا۔

گرفتار ملزم نے اداروں کے خلاف جعلی اور گمراہ کن پوسٹیں بھی لگائیں، جس کی پاداش میں ملزم کے خلاف پیکا ایکٹ کے تحت مقدمہ درج کرلیا گیا۔

نیشنل سائبر کرائم ایجنسی انویسٹی گیشن ایجنسی نے اب تک 500 اکاؤنٹس کی نشاندہی کرلی ہے جو پاک بھارت جنگ کے دوران ملکی اداروں اور فوجی افسران کے خلاف ہرزہ سرائی اور پروپیگنڈے میں ملوث رہے۔