ایران سے پاکستانی طلبا کی وطن واپسی کا سلسلہ جاری ہے، آج 12 طالبات سمیت مزید 40 طلبا تفتان بارڈر پہنچ گئے جبکہ گزشتہ روز سے اب تک 251 طلبا وطن پہنچ چکے ہیں۔

تفصیلات کے مطابق ایران میں پھنسے پاکستانیوں کا انخلا جاری ہے، اسسٹنٹ کمشنر تفتان نعیم قاسم شاہوانی کے مطابق 12 طالبات سمیت مزید 40 طلبا کو تفتان بارڈر پہنچادیا گیا۔

اسسٹنٹ کمشنر تفتان نے بتایا کہ ایران کے مختلف شہروں سے آج مزید پاکستانیوں کو تفتان بارڈر پہنچایا جائے گا۔

نعیم قاسم شاہوانی نے مزید بتایا کہ گزشتہ روز سے اب تک کل 251 طلبا و طالبات کو ایران سے تفتان بارڈر پہنچایا گیا، ایران سے طلبا و طالبات کو مختلف بسوں کے ذریعے تفتان پہنچایا گیا۔