ایران پر حملے سے پہلے امریکا اور اسرائیلی حکام کے درمیان ٹیلی فون کال پر گرما گرمی ہوئی، نائب صدر جے ڈی وینس نے شدید مخالفت کرتے ہوئے کہا کہ اسرائیل دباؤ ڈال کر امریکا کو جنگ میں گھسیٹ رہا ہے۔

امریکی اور اسرائیلی حکام کے درمیان ہونے والی اس بات چیت کی اندرونی کہانی ٹائمز آف اسرائیل منظرِ عام پر لے آئی۔

ٹائمز آف اسرائیل کے مطابق امریکی نائب صدر جے ڈی وینس نے ایران پر امریکی حملوں کی مخالفت کرتے ہوئے کہا کہ امریکا کو اس جنگ میں شامل نہیں ہونا چاہیے جس پر امریکی اور اسرائیلی حکام میں گرما گرمی ہو گئی۔

اسرائیلی وزیراعظم اور اعلیٰ حکام جنگ میں امریکا کے شریک ہونے پر اصرار کرتے رہے، ان کا ہنا تھا کہ لگتا ہے امریکا سست روی سے کام لے رہا ہے۔ اسرائیل نے دو ہفتے کی مہلت پر مایوسی کا اظہار کیا۔

جے ڈی وینس نے فوری طور پر امریکی شمولیت کے لیے دباؤ کی مذمت کی اور کہا کہ اسرائیل امریکا کو وسیع تر تنازع میں گھسیٹ رہا ہے۔