ممبئی:بولی وڈ کے معروف اداکار اکشے کمار  نہ صرف اداکاری کمال کی کرتے ہیں بلکہ اور بھی بہت سی صلاحیتیں ہیں جو ان کو دوسرے اداکاروں سے منفرد بناتی ہیں۔

اکشے مارشل آرٹ کے فن میں مہارت رکھتے ہیں اور اس فن کا سب سے معتبر اعزاز بلیک بیلٹ  حاصل کر چکے ہیں۔

 انہوں نے یہ ہی فن اپنے بیٹے میں منتقل کرتے ہوئے اسے بھی مارشل آرٹ کی تعلیم  دلوائی ہے۔

انڈین ایکسپریس کے مطابق اکشے کے بیٹے آرو نے مارشل آرٹ میں بلیک بیلٹ حاصل کرلیا ہے۔

اکشے نے ٹویٹر پر اپنی خوشی کا اظہار کرتے ہوئے کہا ہے کہ  '9 برسوں کی ٹریننگ کے بعد بالا آخر میرے بیٹے نے کامیابی حاصل کرلی اور کو ڈو میں بلیک بیلٹ حاصل کرلیا'۔

Its a #SonDay all d way!After 9 yrs of training my son got his 1st degree black belt in Kudo #proudfather #overjoyed pic.twitter.com/z4Obcvhia1

— Akshay Kumar (@akshaykumar) May 8, 2016

آرو کی والدہ  ٹوئینکل کھنا نے بھی خوشی کا اظہار کرتے ہوئے کہا ہے کہ' مدرز ڈے پر یہ بہترین تحفہ ہے جو مجھے میرے بیٹے سے ملا ہے'۔

The biggest Mother's Day gift! Just got the news from his camp-All the years of nagging have paid off:) #BlackBelt https://t.co/DXcViYtfkS

— Twinkle Khanna (@mrsfunnybones) May 8, 2016