اجزاء:
میدہ                               آدھا پاؤ
کھویا                              آدھا کلو
انڈے                           دو عدد
بیکنگ پاؤڈر                    ایک کھانے کا چمچ
کوگنگ آئل                    فرائی کرنے کے لئے

چینی                            ایک  کلو

پانی                                          دوکپ

چھوٹی الائچی                                 10 عدد

ترکیب:

ایک پیالے کھوئے کو ہاتھوں سے اچھی طرح مسل لیں۔

میدہ اور بیکنگ پاؤڈر دونوں کو ملا کر چھلنی سے چھان لیں اور پھر انہیں کھوئے میں شامل کردیں۔

انڈے کو خوب پھینٹ لیں اوراس سب  کو انڈے سے گوندھ لیں۔

اب اس آمیزے کی چھوٹی چھوٹی گولیاں بنا لیں۔ گولیاں ہلکے ہاتھ سے بنائیں اور اس بات کا دھیان رکھیں کہ اس میں کوئی دراڑ نہ رہے ورنہ یہ شیرے میں پھٹ جائیں گی۔

شیرا بنانے کے لیےدو کپ پانی میں ایک کلو چینی ڈال کرتھوڑی دیر پکائیں۔

پھراس میں دس عدد چھوٹی الائچیاں پیس کر ڈال دیں اورتھوڑی تھوڑی دیر میں چمچ چلاتے رہیں، تار بننے لگیں تو چولہے سے اُتار لیں۔

اب ایک کڑاہی میں آئل گرم کرکے ہلکی آنچ پر پہلے سے بنائی ہوئی گولیوں کو تل لیں، اور سنہری ہونے پر شیرے میں ڈال دیں۔

تھوڑی دیر شیرے میں ڈوبی رہنے دیں جب نرم ہوجائیں تو شیرے سے نکال لیں۔ مزیدار گلاب جامن تیار ہیں۔