اجزاء:

آلو۔۔۔۔۔۔۔۔۔۔۔۔۔۔۔۔۔۔۔۔ 300 گرام

مچھلی بون لیس (بیکٹی)۔۔۔ 300 گرام

کھانے کا تیل۔۔۔۔۔۔۔۔۔۔۔۔ حسبِ ضرورت

نمک۔۔۔۔۔۔۔۔۔۔۔۔۔۔۔۔۔۔۔ حسبِ ذائقہ

لیموں کا رس۔۔۔۔۔۔۔۔۔۔۔۔۔ ایک کھانے کا چمچ

کارن فلور۔۔۔۔۔۔۔۔۔۔۔۔۔۔۔ 2 کھانے کے چمچ

کالی مرچ (کُٹی ہوئی)۔۔۔۔۔۔ ایک چائے کا چمچ

لال مرچ (پسی ہوئی)۔۔۔۔۔۔۔ ایک چائے کا چمچ

زیرہ پاؤڈر۔۔۔۔۔۔۔۔۔۔۔۔۔۔۔ ایک چائے کا چمچ

پنیر۔۔۔۔۔۔۔۔۔۔۔۔۔۔۔۔۔۔۔۔ 50 گرام

ہری مرچ۔۔۔۔۔۔۔۔۔۔۔۔۔۔۔۔ 2 عدد

ہرا دھنیا۔۔۔۔۔۔۔۔۔۔۔۔۔۔۔۔ ایک کھانے کا چمچ

میدہ۔۔۔۔۔۔۔۔۔۔۔۔۔۔۔۔۔۔۔ ایک کپ

انڈے۔۔۔۔۔۔۔۔۔۔۔۔۔۔۔۔۔۔ 4 عدد

بریڈ کرم۔۔۔۔۔۔۔۔۔۔۔۔۔۔۔۔ حسبِ ضرورت

ترکیب:

٭ سب سے پہلے ایک برتن میں پانی لیں، اس میں نمک اور آلو ڈال کر اُبال لیں۔

٭ اب ایک اور برتن میں مچھلی لیں اس میں نمک، لیموں کا رس اور کارن فلور ڈال کراچھی طرح ملا لیں۔

٭ اب اسے 15 سے 20 منٹ فریج میں رکھ دیں۔

٭ اب ایک پین میں کھانے کا تیل لیں اور اس میں تیار کی ہوئی مچھلی کو لائٹ براؤن ہونے تک فرائی کریں۔

٭ اب اسے چوپ کرکے چھوٹے چھوٹے ٹکڑے بنالیں لیں۔

٭ اب ایک برتن میں اُبلے ہوئے آلو کو کدو کش کرلیں اور اس میں فرائی شدہ چوپ کی ہوئی مچھلی، ایک انڈا، نمک، کالی مرچ (کُٹی ہوئی)، لال مرچ، زیرہ پاؤڈر، پنیز، ہری مرچ اور ہرا دھنیا ڈال کر اچھی طرح ملائیں اور اس کے کباب بنا لیں۔

٭ تیار شدہ کباب پر پہلے میدہ، انڈا اور پھر بریڈ کرم لگا کر گرم تیل میں گولڈن براؤن ہونے تک ڈیپ فرائی کرلیں۔