جہانگیرخان ترین نے چیئرمین یوٹیلیٹی اسٹورز کو خط لکھ کرکہا کہ میڈیا میں جاری ‏‏منفی پرپگینڈے کے باعث آفر واپس لے رہا ہوں۔ میری ملز اب بھی اوپن ٹینڈرکے ‏‏تحت 20 ہزارٹن چینی رعایتی نرخوں پر فراہم کرنے کے لئے تیار ہیں۔

جہانگیرخان ترین نے یوٹیلیٹی اسٹورزکورعایتی نرخوں پرچینی فراہم کرنے کی ‏‏آفر واپس لے لی۔یوٹیلیٹی اسٹورز کارپوریشن کے چیئرمین کوخط لکھ کر آگاہ ‏‏کردیا۔

جہانگیر ترین نے کہا کہ تمام ترنیک نیتی کے ساتھ یوٹیلیٹی اسٹورزکو 20 ہزار ‏‏ٹن چینی 67 روپے فی کلو کے رعایتی نرخوں پر فراہم کرنے کی آفر کی۔میڈیا ‏‏میں موجود کچھ عناصراس آفرکو غلط رنگ دے رہے ہیں۔

جہانگیر ترین نے کہا کہ ایسا ظاہر کیا جا رہا ہے جیسے معاشی رابطہ کونسل کی ‏‏جانب سے یہ آفر قبول کرنے کا مقصد مجھے نوازنا ہے،حقیقت اس کے بلکل بر ‏‏عکس ہے۔

 خط میں جہانگیر ترین نے کہا کہ میڈیا میں جاری منفی پراپیگنڈہ کے باعث میں یہ ‏‏آفر واپس لینا چاہوں گا۔تاہم میری ملز اب بھی اوپن ٹینڈر کے تحت 20 ہزار ٹن ‏‏چینی رعایتی نرخوں پر فراہم کرنے کے لئے تیار ہیں۔