پاکستان سمیت دنیا بھر میں کامیابی کے ریکارڈز توڑنے والی مشہور و معروف ڈرامہ سیریز 'ار طغرل غازی' کے مصنف و ڈائریکٹر مہمت بوزداغ نے بہت جلد 'کورولش عثمان' کا دوسرا سیزن آنے کی بھی نوید سنادی۔

انہوں نے اپنے ٹوئٹر اکاؤنٹ سے 'کورولش عثمان' سیزن 2 کی تصویر شیئر کی جسے دیکھ کر شائقین کافی پُر جوش نظر آرہے ہیں۔

دیریلش ارطغرل کے تمام سیزن اور کورولش عثمان کے پہلے سیزن کی طرح دوسرے سیزن کو بھی مہمت بوزداغ ہی پروڈیوس کررہے ہیں تاہم یہ ڈرامہ اطغرل کے برعکس سرکاری چینل کی بجائے ایک نجی چینل پر نشر کیا جائے گا۔

واضح رہے کہ عثمان اوّل سلطنت عثمانیہ کے بانی تھے، وہ 1191 عیسوی میں پیدا ہوئے اور ان کی وفات 1280 عیسوی میں ہوئی، بعغ ذرائع ان کی وفات کا سال 1281 عیسوی بتاتے ہیں۔

انہیں ریاست عثمانیہ قائم کرنے کے دوران کئی اندرونی اور بیرونی مسائل کا سامنا رہا جس کا انہوں نے کامیابی سے مقابلہ کیا اور مسلمانوں کیلئے ایک عظیم سلطنت کی بنیاد رکھی۔