Aaj TV News

BR100 4,595 Decreased By ▼ -3 (-0.07%)
BR30 17,382 Increased By ▲ 48 (0.28%)
KSE100 44,892 Increased By ▲ 5 (0.01%)
KSE30 17,673 Decreased By ▼ -24 (-0.13%)
COVID-19 TOTAL DAILY
CASES 1,386,348 5,196
DEATHS 29,137 15
Sindh 531,008 Cases
Punjab 467,698 Cases
Balochistan 34,032 Cases
Islamabad 120,813 Cases
KP 186,537 Cases

لاہور: قومی کرکٹ ٹیم کے سابق کپتان اور اسٹار آل راؤنڈر بوم بوم شاہد خان آفریدی کا کہنا ہے کہ پی سی بی کو چاہیئے کہ وہ محمد عامر کو بلائے اور بات کرکے معاملہ حل کرے، زبردستی کا ایشو بنایا ہوا ہے، اس طرح ایک دوسرے پر الزامات لگانا اچھی بات نہیں ہے۔

تفصیلات کے مطابق گزشتہ روز کشمیر پریمیئر لیگ کی آفیشل سانگ لانچنگ تقریب کے بعد میڈیا سے گفتگو کرتے ہوئے انہوں نے کہا کہ عامر ہو یا کوئی بھی کھلاڑی ہو، بورڈ کو چاہیئے کہ اسے مستقبل کے پلان سے متعلق آگاہ کرے تاکہ وہ ذہنی طور پر ہوں۔

انہوں نے مزید کہا کہ میرے اور وقار یونس کے درمیان اختلافات کسی سے ڈھکے چھپے نہیں ہیں، محمد عامر اور کوچز کے درمیان تنازع پرانی روایت ہے۔

شاہد آفریدی نے مزید کہا کہ کرکٹ بورڈ کا اہم کردار ہوتا ہے ہر مسئلے کا حل ممکن ہے۔

بوم بوم نے مزید کہا کہ انٹرنیشنل کرکٹ کھیلنا مرغی کا دل رکھنے والے کھلاڑی کا کام نہیں ہے، کھلاڑی میں چاہے جتنا بھی ٹیلنٹ ہو لیکن اگر وہ مرغی کا دل رکھتا ہے تو انٹرنیشنل کرکٹ نہیں کھیل سکتا۔