Aaj TV News

BR100 4,597 Increased By ▲ 11 (0.24%)
BR30 17,781 Increased By ▲ 212 (1.21%)
KSE100 45,018 Increased By ▲ 192 (0.43%)
KSE30 17,748 Increased By ▲ 82 (0.46%)
COVID-19 TOTAL DAILY
CASES 1,367,605 7,586
DEATHS 29,097 20
Sindh 523,774 Cases
Punjab 462,323 Cases
Balochistan 33,910 Cases
Islamabad 117,436 Cases
KP 184,455 Cases

لاہور ہائیکورٹ نے وزیراعظم کے معاونین خصوصی کی تقرری کیخلاف درخواست پر وفاقی سیکرٹری کیبنٹ کو نوٹس جاری کر دیئے۔

چیف جسٹس لاہور ہائیکورٹ نے ریمارکس دیئے ہیں کہ حفیظ شیخ کو ناکامی کے بعد اخلاقی طور مستعفی ہو جانا چاہیے ۔

چیف جسٹس لاہور ہائیکورٹ جسٹس قاسم خان نے وکیل ندیم سرور کی درخواست پر سماعت کی۔

دوران کارروائی چیف جسٹس نے ریمارکس دئیے کہ اچھے معاشرے میں ناکامی پر خود استعفے دے دیئے جاتے ہیں، کیا جمہوریت میں ناکامی کے بعد بھی ایسے لوگوں کو رکھنا ضروری ہے؟ ناکامی کے بعد حفیظ شیخ صرف وزیراعظم کو رائے دے سکتے ہیں، کابینہ کے فیصلوں میں شامل نہیں ہو سکتے۔ ناکامی کے بعد ان کو اخلاقی طور پر خود مستعفی ہوجانا چاہیے تھا۔

چیف جسٹس نے ہدایت کی کہ بیان حلفی دیا جاٸے کہ مشیر اور معاون خصوصی کابینہ میں کن حیثیت میں شریک ہوتے ہیں اور کیا مراعات لیتے ہیں۔

سماعت کے دوران نے عدالت نے حفیظ شیخ کی ٹیکس اور پراپرٹیز بارے بھی استفسار کیا۔ درخواست پر مزید سماعت 25 مارچ کو ہوگی۔