وزیر اعلی پنجاب عثمان بزدار نے تونسہ سٹریٹ لائٹ پراجیکٹ میں گھپلے کی فوری تحقیقات اور کنٹریکٹر کی فوری گرفتاری کا حکم دے دیا۔ وزیر اعلی نے منصوبوں کی تکمیل میں تاخیر پر اظہار برہمی بھی کیا۔

وزیر اعلی نے اشیائے ضروریہ کی مقررہ نرخ پر دستیابی یقینی بنانے کیلئے انتظامیہ کو اقدامات کی ہدایت کردی۔

وزیر اعلی پنجاب سردار عثمان بزدار نے ترقیاتی سکیموں کے حوالے سے اجلاس میں معیار پر عدم اعتماد کرتے ہوئے اظہار برہمی کیا۔

عثمان بزدار نے تونسہ میں سٹریٹ لائٹ پراجیکٹ میں گھپلے کی دس دن میں انکوائری رپورٹ طلب کرلی، پراجیکٹ میں گھپلا کرنے والے کنٹریکٹر کو بھی فوری گرفتار کرنے کا حکم دیا۔

فورٹ منرو میں واٹر سپلائی سکیم بحال کرنے، کوہ سلیمان اور دیگر پہاڑی علاقوں میں پانی کی فراہمی کیلئے اقدامات کی بھی ہدایت کی۔ ایک اور اجلاس کی صدارت کرتے ہوئے وزیر اعلی نے آٹا، چینی اور دیگر اشیاء کی رمضان بازاروں اور عام مارکیٹوں میں مقررہ نرخوں پر فراہمی یقینی بنانے کی ہدایات جاری کیں۔