Aaj TV News

BR100 4,519 Increased By ▲ 22 (0.49%)
BR30 18,277 Decreased By ▼ -62 (-0.34%)
KSE100 44,114 Increased By ▲ 178 (0.41%)
KSE30 17,034 Increased By ▲ 95 (0.56%)
COVID-19 TOTAL DAILY
CASES 1,283,886 411
DEATHS 28,704 7
Sindh 475,097 Cases
Punjab 442,876 Cases
Balochistan 33,471 Cases
Islamabad 107,601 Cases
KP 179,888 Cases

اسلام آباد:محسن پاکستان اور پاکستان کے نامور ایٹمی سائنسدان ڈاکٹر عبدالقدیر خان کی نماز جنازہ ادا کر دی گئی۔

قومی ہیروڈاکٹر عبدالقدیر خان کی نمازجنازہ اسلام آباد کی فیصل مسجد میں ادا کی گئی،ڈاکٹر عبدالقدیر خان کی نماز جنازہ کی امامت پروفیسر ڈاکٹر محمد الغزالی نےکی جس میں سول اور ملٹری حکام کے علاوہ عوام کی بڑی تعداد نے شرکت کی۔

محسن پاکستان کی نماز جنازہ میں شرکت کیلئے ایک انکلوژر عوام کیلئے بنایا گیا تھا جبکہ دوسرا انکلوژر وی آئی پیز کیلئے قائم کیا گیا تھا۔

ڈاکٹر عبدالقدیر خان کی نماز جنازہ کے بعد ان کے جسد خاکی کو تدفین کیلئے ایچ 8 قبرستان اسلام آباد روانہ کر دیا گیا ۔

ڈاکٹر عبدالقدیر کی نماز جنازہ کے موقع پر سیکیورٹی کے بھی انتہائی سخت انتظامات کئے گئے۔

نماز جنازہ سے قبل محسن پاکستان ڈاکٹر عبدالقدیر خان کو پاک فوج کے دستے نے سلامی پیش کی جبکہ نماز جنازہ کے موقع پر بارش بھی ہوتی رہی۔

یاد رہے کہ ڈاکٹر عبدالقدیر خان کافی عرصےسےعلیل تھے،آج صبح ڈاکٹر عبدالقدیر خان کو پھیپھڑوں میں تکلیف کے باعث اسپتال منتقل کیا گیا تھا تاہم وہ جانبر نہ ہو سکے اور خالق حقیقی سے جا ملے۔