Aaj TV News

BR100 4,607 Decreased By ▼ -61 (-1.3%)
BR30 20,274 Decreased By ▼ -618 (-2.96%)
KSE100 44,629 Decreased By ▼ -192 (-0.43%)
KSE30 17,456 Decreased By ▼ -66 (-0.38%)
COVID-19 TOTAL DAILY
CASES 1,265,047 663
DEATHS 28,280 11
Sindh 465,819 Cases
Punjab 437,974 Cases
Balochistan 33,128 Cases
Islamabad 106,469 Cases
KP 176,886 Cases

کولمبیا کے ایک ہفتہ وار جریدے "Semana" کی رپورٹ میں دستاویزی حوالوں کے ساتھ دعویٰ کیا گیا ہے کہ ایران بھرپور انداز سے وینزویلا کو مسلح کر رہا ہے۔

رپورٹ کے مطابق یہ سلسلہ ایران کی ایک فضائی کمپنی "فارس اير قشم" کے ایک بوئنگ 747 طیارے کے وینزویلا میں سب سے بڑے فوجی اڈے پر اترنے کے ساتھ شروع ہوا۔ اس اڈے کا نام "El Libertador" ہے اور یہ کیریبین کے ساحل پر وینزویلا کے انتہائی شمال میں واقع ہے۔

اس طیارے کے ذریعے 2000 میزائل، 400 بم، 30 کینن لانچرز، 35 ریڈار اور ہزاروں بندوقیں اور کلاشنکوفیں وینزویلا پہنچائی گئیں۔ اس آپریشن کو "Escudo Boliviano 2021" کا نام دیا گیا ہے۔

وینزویلا پہنچائے گئے ہتھیاروں میں "ZAB" اور "RBK" طرز کے بم شامل ہیں۔ ان میں ایک بم کا وزن 500 کلو گرام ہے۔ علاوہ ازیں کھیپ میں بحری جہاز شکن میزائلوں کے علاوہ زمین سے فضا، فضا سے فضا اور طیارہ شکن میزائل شامل ہیں۔

جریدے کی رپورٹ کے مطابق وینزویلا کی وزارت دفاع کے دفتر کے ڈائریکٹر جنرل، جنرل گیرسن اینریک لبراڈور نے ہی 3 دساویزات پر مبنی ایک رپورٹ لکھی۔ اس رپورٹ میں انہوں نے ان ہتھیاروں اور اسلحے کی تفصیلات درج کی ہیں جن کی منتقلی کا مطالبہ کیا گیا۔

جریدے نے اپنی رپورٹ میں اس بات کی تصدیق کی ہے کہ وینزویلا بھیجے جانے والے ہتھیاروں کو چلانے کی تربیت دینے والے پیشہ ورانہ تربیت کار اور ایرانی انٹیلی جنس کے اہل کار بھی ساتھ پہنچے ہیں۔

اسی دوران میں وینزویلا کی مسلح افواج کے عناصر کو دفاعی اور تزویراتی کورسز کے ذریعے تربیت کے لیے اس ملک (ایران) بھیجا گیا۔