Aaj TV News

BR100 4,597 Increased By ▲ 11 (0.24%)
BR30 17,781 Increased By ▲ 212 (1.21%)
KSE100 45,018 Increased By ▲ 192 (0.43%)
KSE30 17,748 Increased By ▲ 82 (0.46%)
COVID-19 TOTAL DAILY
CASES 1,353,479 7,678
DEATHS 29,065 23
Sindh 516,874 Cases
Punjab 458,879 Cases
Balochistan 33,812 Cases
Islamabad 115,047 Cases
KP 183,403 Cases

اسلام آباد:مسلم لیگ (ن )کے صدر شہباز شریف نے بجلی کی قیمت میں اضافہ ظالمانہ اقدام قرار دے دیا۔

قومی اسمبلی ممیں قائد حزب اختلاف شہباز شریف نے بجلی کی قیمت میں 2روپے 52پیسے مزید اضافے کو حکومت کا ایک اور ظالمانہ اقدام قرار دیتے ہوئے کہا کہ جھوٹی حکومت کا ریلیف کا وعدہ جھوٹ تھا، بجلی کی قیمتوں میں مزید اضافہ اس کا ثبوت ہے۔

شہباز شریف نے کہا کہ اس حکومت نے قوم سے جھوٹ بولا تھا کہ ٹیکس فری بجٹ دیا ہے، یہ ہے اس حکومت کی حقیقت ،کہہ چکا ہوں کہ یہ حکومت چلے گی تو نہ معیشت چلے گی، نہ عوام کی جان بچے گی۔

مسلم لیگ ن کے صدر نے کہا کہ منافع خوروں نے 270 رب روپے ہڑپ کرلئےلیکن حکومت سب اچھا کی رپورٹ دے رہی ہے، بجلی کی قیمتوں میں اضافہ سے بے روزگاری مزید بڑھے گی۔

شہباز شریف نے مزید کہا کہ پشاور میں چینی کی قیمت 175 روپے کلو ہوگئی، کہاں ہیں حکومت؟ کہاں ہے اس کا ریلیف؟ ملک بھر میں اشیائے ضروریہ کی قیمتوں میں اضافے سے مہنگائی کے تمام ریکارڈ پہلے ہی ٹوٹ چکے ہیں۔

اپوزیشن لیڈر کا کہنا تھا کہ یہ حکومت ہی بحران کی وجہ ہے، اس طرح معیشت چل سکتی ہے، نہ کاروبار اور نہ عوام زندہ رہ سکتے ہیں۔

شہباز شریف کا مزید کہنا تھا کہ عوام جب تک گھروں سے نہیں نکلے گی، مہنگائی کے چکی میں پستی رہے گی۔