Aaj News

جمعہ, مارچ 29, 2024  
18 Ramadan 1445  

وزیر مذہبی امور کا وزیراعظم سے رمضان کی نشریات کو ریگولیٹ کرنے کا مطالبہ

حکام نے بتایا کہ وزارت کو ٹیلی ویژن میزبان اور قومی اسمبلی کے رکن عامر لیاقت کے خلاف بڑی تعداد میں شکایات موصول ہوئی ہیں
اپ ڈیٹ 17 مارچ 2022 12:25pm
پیر نورالحق قادری نے اپنے خط میں کسی فرد کا نام نہیں لیا
پیر نورالحق قادری نے اپنے خط میں کسی فرد کا نام نہیں لیا

اسلام آباد: پیر نورالحق قادری نے وزیراعظم عمران خان سے رمضان المبارک میں ٹیلی ویژن کی نشریات کو ریگولیٹ کرنے کیلئے سخت ہدایات جاری کرنے کا مطالبہ کردیا۔

وزیر اعظم عمران خان کو لکھے گئے خط میں وزیر مذہبی امور نے کہا کہ اینکرز اور پریزینٹرز رمضان شوز کے دوران ہمیشہ تنازعات پیدا کرتے ہیں اور سوشل میڈیا پر عوام سے غم و غصے کے اظہار کو دعوت دیتے ہیں۔

ڈان اخبار کی رپورٹ کے مطابق وزارت مذہبی امور کو خود یہ شکایات موصول ہوتی ہیں کہ زیادہ تر مہمانوں کے پاس ایسے شوز میں رائے کے اظہار کے لیے درکار عقیدے کے معاملات میں گہری سمجھ بوجھ نہیں ہے۔

تاہم پیر نورالحق قادری نے اپنے خط میں کسی فرد کا نام نہیں لیا لیکن حکام نے بتایا کہ وزارت کو ٹیلی ویژن میزبان اور قومی اسمبلی کے رکن عامر لیاقت کے خلاف بڑی تعداد میں شکایات موصول ہوئی ہیں کہ وہ "معاشرے کے لیے ایک بری مثال" قائم کر رہے ہیں۔

انہوں نے مزید بتایا کہ مفتی قوی کے خلاف بھی ایسی ہی شکایات موصول ہوئی ہیں انہوں نے یہ بھی بتایا کہ نجی چینل پر کسی بھی شو کی میزبانی کرنے پر پابندی لگانے کا کوئی قانونی چینل نہیں ہے۔

واضح رہے کہ رمضان کی نشریات میں مذہبی تنازاعت کی وجہ سے سوشل میڈیا پر غم غصے کی لہر دوڑ جاتی جس سے امن و امان کی صورتحال بگڑنے کا خدشہ برقرار رہتا ہے۔

پاکستان

Ramzan Transmission

Aamir Liaquat Hussain

Ramzan 2022

Comments are closed on this story.

تبصرے

تبولا

Taboola ads will show in this div